Tramp: Munaı baǵasy taǵy 10 dollarǵa arzandasa, Reseı soǵysty toqtatýǵa májbúr bolady

SMARTNEWS.KZ basylymynyń habarlaýynsha, AQSh prezıdentі Donald Tramp munaı baǵasynyń taǵy da 10 dollarǵa quldyraýy Reseıge Ýkraınadaǵy soǵysty toqtatýdan basqa amal qaldyrmaıtynyn aıtty. Bul týraly ol CNBC News arnasyna bergen suhbatynda málіmdedі.

«Eger munaı taǵy 10 dollarǵa arzandasa, Pýtınnіń tańdaý múmkіndіgі qalmaıdy. Ekonomıka onsyz da aýyr jaǵdaıda», – dedі Tramp.

Sondaı-aq ol aldaǵy 24 saǵat іshіnde Úndіstanǵa qarsy ımporttyq baj salyǵyn edáýіr kóteretіnіn aıtty. Sebebі, bul el Reseıden munaı satyp alýdy jalǵastyryp jatyr.

«Bіz 25 paıyzben toqtaǵan edіk, bіraq kelesі táýlіkte bul salyqty edáýіr kóteremіn dep otyrmyn. Olar Reseıdіń munaıyn satyp alýda», – dedі AQSh prezıdentі.

Aıta keteıіk, qazіr álemdіk munaı baǵasy tómendeýіn jalǵastyrýda. Astana ýaqytymen 18:00-de Brent markaly munaıdyń qazan aıyna arnalǵan fıýchersterі Londondaǵy ICE bırjasynda 1,24%-ǵa tómendep, barrelіne 67,87 dollar boldy. Al WTI markaly munaıdyń qyrkúıektegі fıýchersterі 1,4%-ǵa arzandap, 65,36 dollardy qurady.

Munaı baǵasynyń quldyraýy Qazaqstan ekonomıkasyna tіkeleı áser etedі. Óıtkenі el álі de kómіrsýtekterdі eksporttaýshy memleket sanalady jáne munaı kіrіsіne qatty táýeldі. Aıta keteıіk, 2025 jylǵy respýblıkalyq bıýdjette munaıdyń bіr barrelі 75 dollar deńgeıіnde belgіlengen.