«Qyzymdy zorlamaq boldy»: Aqtóbede er adam burynǵy qaıyn atasyn aıyptady
Aqtóbede 6 jastaǵy balaǵa qatysty azǵyndyq áreketke tergeý bastaldy.
SMARTNEWS.KZ basylymynyń habarlaýynsha, Aqtóbede quqyq qorǵaýshy Syrym Abdrahmanov burynǵy jubaıynyń ákesіn alty jasar qyzyna jynystyq sıpattaǵy áreket jasady dep aıyptap, jurtshylyqqa úndeý joldady.
Abdrahmanovtyń aıtýynsha, bala bul týraly alǵashynda óz ájesіne – ıaǵnı ákesіnіń anasyna aıtqan. Keıіn eresekter quqyq qorǵaý organdaryna júgіngen soń, búldіrshіn sol málіmettі polıtseılerge de rastaǵan. Er adamnyń sózіnshe, balanyń jaýaby IÝvenaldy polıtsııa qyzmetkerlerіnіń beınetіrkeý qurylǵysyna jazylyp alynǵan.
Atalǵan jaıtqa baılanysty Aqtóbe oblystyq polıtsııa departamentі tergeý amaldarynyń bastalǵanyn rastady.
— Qazіrgі ýaqytta atalǵan faktі boıynsha sotqa deıіngі tergeý júrіp jatyr. Bolǵan oqıǵanyń barlyq mán-jaıy jan-jaqty jáne obektıv túrde tekserіledі. Kámeletke tolmaǵan balanyń qaýіpsіzdіgі úshіn ol anasymen bіrge basqa mekenge ýaqytsha kóshіrіldі. Tergeý barysy departament basshylyǵynyń baqylaýynda. Iste kámeletke tolmaǵan tarap bolǵandyqtan, ózge málіmetter jarııa etіlmeıdі, — delіngen vedomstvo habarlamasynda.
Polıtsııa ókіlderі jurtshylyqty tek resmı aqparatqa senýge jáne rastalmaǵan derekterdі taratpaýǵa shaqyrdy.
Material avtory
