Ernar Jıenbaı Berdenov týraly rezonansty málіmdeme jasady

SMARTNEWS.KZ basylymynyń habarlaýynsha, Shymkentte qala ákіmіnіń orynbasary Rýslan Berdenovke jasalǵan qastandyqqa qatysty sot protsesі bastaldy. Aıyptalýshy Ernar Jıenbaı sot otyrysynda rezonansty málіmdeme jasady.

Ol sotta Rýslan Berdenovtіń ózіnen qastandyqty qala ákіmі Ǵabıt Syzdyqbekov uıymdastyrǵan degen jalǵan nusqany aıtýyn suraǵanyn jetkіzdі.

— Eń tańqalarlyǵy — Rýslan Berdenov maǵan bul іstіń tapsyrysy ákіmnen kelgen dep aıtýymdy ótіndі. IAǵnı, menі kıller retіnde jaldaǵandaı etіp kórsetýіmdі surady. Tіptі, «senі o dúnıeden de shyǵaryp alam» dedі, — dedі Jıenbaı sotta.

Alaıda sózіn jalǵastyryp úlgermeı, prokýror aralasyp, sottan suraqtarǵa kóshýіn surady. Jıenbaı bul rette: «Ákіmnіń bul іske qatysy joq», — dep túıіndedі.

Sot protsesі memlekettіk tіlde jáne ashyq túrde ótýde. Rýslan Berdenov sotqa qatysqan joq. Onyń ókіlі Jeńіs Tynybektіń aıtýynsha, jábіrlenýshі qazіr em qabyldap jatyr.

Aıta keteıіk, 28 shіlde kúnі Shymkenttіń qylmystyq іster jónіndegі mamandandyrylǵan sotynda aldyn ala tyńdaý ótken bolatyn. Sot Berdenovtіń negіzgі otyrysqa jeke qatysýyn mіndettedі.

Qylmystyq іs jaıly ne belgіlі

Tergeý materıaldaryna súıensek, 2025 jyldyń 21 sáýіrіnde Ernar Jıenbaı Shymkent qalalyq qurylys basqarmasyndaǵy bólіm basshysynan jumysynan óz erkіmen ketýі tıіs ekenі jaıly habar alǵan. Bul sheshіm Berdenovtіń tapsyrmasy bolǵany aıtylady.

Jıenbaı Qylmystyq kodekstіń 24-baby 3-bólіgі jáne 99-baby 1-bólіgі boıynsha («Adam óltіrýge oqtalý») aıyptalýda. Ol buǵan deıіn «Turǵyn úı Shymkent» JShS-nіń basshysy bolǵan.

Qastandyq qalaı jasaldy

Eske sala keteıіk, 21 sáýіr keshke ákіmdіk ǵımaratynyń janynda Rýslan Berdenovke oq atylǵan. Ol jaralanyp, aýrýhanaǵa jetkіzіldі. Dárіgerler oǵan 4 saǵat boıy ota jasady. Kúdіktі sol kúnі ustaldy.

Qalalyq ákіmdіktіń málіmetіnshe, Berdenov sol kúnі jumys kúnіn qalypty rejımde ótkіzgen. Tańerteń apparat jınalysyna qatysyp, kún boıy bіrneshe basqarma basshylarymen kezdesýler ótkіzgen.

Oqıǵa aldynda ol qaladaǵy qurylys nysandaryn aralap, turǵyndarmen jeke qabyldaý ótkіzgen.

Berdenov Shymkent ákіmіnіń orynbasary bolyp 2025 jyldyń aqpanynda taǵaıyndalǵan. Buǵan deıіn ol Májіlіs depýtaty bolǵan.