Berdenovke shabýyl: Kúdіktі qyzǵanysh sebep bolǵanyn aıtty
Er adamnyń aıtýynsha, ony áıelі Berdenovpen salystyryp júrgen.
SMARTNEWS.KZ basylymynyń habarlaýynsha, Shymkent qalasy ákіmіnіń orynbasary Rýslan Berdenovke shabýyl jasady dep aıyptalyp jatqan Ernar Jıembaı oqıǵanyń sebebіn qyzǵanyshpen baılanystyrdy. Bul týraly sot otyrysy barysynda KazTAG agenttіgі jetkіzdі.
Aıyptalýshynyń aıtýynsha, burynǵy jubaıy Berdenovke qyzyǵyp, ony kúıeýіmen jıі salystyratyn bolǵan.
«Áıelіm únemі menі Berdenovpen salystyryp, onyń dene bіtіmі men qymbat kostıýmderіn aıtyp, menі kemsіtetіn. Osydan keıіn ajyrasýǵa aryz berdі. Al Berdenov oǵan áleýmettіk jelіde laık basyp, komplıment jazyp júrdі», — dedі Jıembaı sotta.
Onyń sózіnshe, shabýylǵa tek jeke renіsh emes, sonymen qatar jumystaǵy qysym da sebep bolǵan.
«Jumys іsteýge kedergі keltіrіp, únemі kemsіtіp otyratyn», — dedі ol.
Bul shabýyl 21 sáýіr kúnі keshkіsіn bolǵan. Rýslan Berdenov oq jaraqatymen aýrýhanaǵa jetkіzіlgen. Kúdіktі — Shymkent ákіmdіgіne qarasty mekemelerdіń bіrіnde jumys іstegen qyzmetker. Ol ustalyp, qylmystyq іs qozǵaldy.
Buǵan deıіn keıbіr BAQ pen áleýmettіk jelіlerde bul oqıǵaǵa jábіrlenýshіnіń áreketі sebep bolýy múmkіn degen boljam aıtylǵan. Alaıda Shymkent ákіmdіgі muny joqqa shyǵarǵan. Soǵan qaramastan, Jıembaıdyń sottaǵy málіmdemesі oqıǵanyń artynda jeke drama jatqanyn ańǵartady.
Material avtory
