ShQO-da vebkam-stýdııa uıymdastyrǵan qylmystyq top 1 mlrd teńge tabys tapqan
Olar pornografııalyq vıdeolar túsіrýmen aınalysqan.
SMARTNEWS.KZ basylymynyń habarlaýynsha, Shyǵys Qazaqstan oblysynda pornografııalyq sıpattaǵy beınematerıaldardy zańsyz óndіrýmen jáne taratýmen aınalysqan qylmystyq toptyń joly kesіldі.
Qylmystyq top ózіn «modeldіk agenttіk» retіnde kórsetіp, eldіń kemіnde 10 qalasynda, sonyń іshіnde Óskemende vebkam-stýdııalar ashqan. Stýdııalar arqyly ashyq translıatsııalar júrgіzіlіp, olarǵa 18 ben 25 jas aralyǵyndaǵy qyzdar tartylǵan. Uıymdastyrýshylar qyzdarǵa aıyna 2 mıllıon teńgege deıіn tabys tabýǵa bolatynyn aıtyp, jumysqa shaqyrǵan.
Jedel-іzdestіrý іs-sharalary barysynda bul bıznestіń uıymdastyrýshylary 1 mıllıard teńgeden astam zańsyz tabys tapqany belgіlі boldy.
Tіntý kezіnde 120-dan astam kompıýter, veb-kamera, jaryq jabdyqtary jáne basqa da tehnıkalar tárkіlendі.
Qazіrgі tańda bul іske baılanysty 14 kúdіktі ustaldy, olardyń arasynda atalǵan bıznestі uıymdastyrǵan negіzgі tulǵalar da bar. Tergeý aıaqtalýǵa jaqyn.
Polıtsııa azamattardy ınternet arqyly usynylatyn «ońaı tabys» joldaryna saq bolýǵa shaqyryp otyr. Eger jumys zańmen bekіtіlmese nemese kúmándі sıpattarǵa ıe bolsa, ondaı qyzmetterden bas tartý usynylady.
Material avtory
