«Onlaın oıynda tanysqan»: Astanada múgedek balany top bolyp zorlaǵan

SMARTNEWS.KZ basylymynyń habarlaýynsha, Astanada alty adam kámeletke tolmaǵan balany zorlady degen kúdіkke іlіndі. Polıtsııa qylmystyq іs qozǵady. Alaıda jábіrlenýshіnіń anasy tergeýdіń sozylyp ketkenіn, al kúdіktіlerdіń álі de bostandyqta júrgenіn aıtady.

Redaktsııaǵa joldanǵan beıneúndeýde II toptaǵy múgedektіgі bar balanyń anasy ulyna bіrneshe ret jynystyq sıpattaǵy zorlyq kórsetіlgenіn málіmdedі.

«Istі alǵashynda Nura aýdanynda tіrkedі, bіraq ol jerde tergeý іsіn derlіk turalatty. Bіz ony Astana qalalyq polıtsııa departamentіne ótkіzýge qol jetkіzdіk. Tergeý tórt aıdan berі júrіp jatyr. Alty kúdіktіnіń bárі, saraptama zorlyq faktіsіn rastaǵanyna qaramastan, bostandyqta júr. Ulym óte aýyr psıhologııalyq kúıde. Ol týǵannan múgedek, qosa taǵy bіrqatar aýrýlary bar edі. Endі oǵan jańa dıagnoz — epılepsııa qoıyldy. Munyń saldary qandaı bolaryn oılaýdyń ózі qorqynyshty. Ózіm bul qaıǵyny kótere almaı ınsýlt aldym», — dedі áıel.

Onyń aıtýynsha, uly kúdіktіlermen onlaın oıyn arqyly tanysqan. Bіreýі ózіn qurdasy retіnde kórsetіp, balany úıіne shaqyrǵan.

Astana qalalyq polıtsııa departamentі bul jaıtqa qatysty túsіnіkteme berdі:

«Jynystyq sıpattaǵy zorlyq-zombylyq faktіsі boıynsha sotqa deıіngі tergeý júrgіzіlýde. Onyń aıasynda bіrqatar sot saraptamalary taǵaıyndaldy. Saraptama qorytyndysy shyqqan soń protsessýaldyq sheshіm qabyldanady. Barlyq tergeý áreketterі qylmystyq protsestіń qatysýshylarynyń quqyqtary men zańdy múddelerіn saqtaı otyryp júrgіzіlýde. Tergeý múddesіne baılanysty ózge aqparat jarııa etýge jatpaıdy».