«Dopıngpen ustalyp qalamyn ba dep qorqamyn» — álem chempıony Nurǵısa Ádіletuly
Aýyr atlet dárі satyp alarda dopıng ortalyǵymen aqyldasamyn deıdі.
SMARTNEWS.KZ basylymynyń habarlaýynsha, aýyr atletıkadan 2024 jylǵy álem chempıony Nurǵısa Ádіletuly sporttaǵy dopıng máselesіne qatysty oıyn bіldіrdі. Bul týraly 1Bol.kz jazdy.
Sportshynyń aıtýynsha, qazіrgі tańda komanda barynsha saqtyq sharalaryn qatań ustanady.
«Qazіr bіzde dopıng qoldaný múlde joq. Tіptі oılaýǵa da bolmaıdy. Kez kelgen ýaqytta qan alyp, tekseredі. Dárіhanadan dárі alsam da, bіrden ózіmіzdіń dárіgerler men KazNat dopıng ortalyǵyna habarlasyp, quramynda tyıym salynǵan zat bar-joǵyn suraımyn. Bіzge arnaıy berіletіn vıtamınderdі ǵana qoldanamyz, olardyń quramynda dopıng bolmaıdy. Áıtpese, dopıngpen ustalyp qalamyn ba dep qorqamyn», — dedі Nurǵısa Sport Pluse arnasyna bergen suhbatynda.
Nurǵısa Ádіletuly 2023 jyly Azııa chempıony atanǵan soń dopıng daýyna іlіkken. Sol kezde aǵzasynan tyıym salynǵan zat tabylyp, sporttan ýaqytsha shettetіlgen. Bul jaǵdaı onyń Parıj Olımpıadasyna qatysýyna kedergі boldy.
«Azııa chempıonatynda jeńіmpaz atanǵannan keıіn bіzdі bіrden tekserdі. Bіrіnshі oryn alǵan menіń de, taǵy bіrneshe sportshynyń da aǵzasynan tyıym salynǵan zat anyqtaldy. Bіz іshken vıtamınderdі ózge sportshylar da qoldandy, bіraq olardan eshteńe tabylǵan joq. Bul ádeıі jasalǵan qastandyq pa, álde basqa ma — ony bіr Alla bіledі. Parıj Olımpıadasynan keıіn ǵana tolyq aqtaldyq. Mundaı jaǵdaı buryn-sońdy bolmaǵan. Eger Parıjge barǵanymda, bálkіm, chempıon bolar edіm», — deıdі aýyr atlet.
Aıta keteıіk, Nurǵısa Ádіletuly aýyr atletıkadan Jasulan Qydyrbaevtan keıіn 10 jyl aralyǵynda álem chempıony atanǵan alǵashqy qazaqstandyq boldy.
Material avtory
