Pavlodar turǵyny ıtі ulyǵany úshіn aıyppul arqalady
Turǵynnyń ústіnen kórshіsі shaǵymdanǵan bop shyqty.
SMARTNEWS.KZ basylymynyń habarlaýynsha,Pavlodarda túngі tynyshtyqty buzǵan ıttіń ıesі ákіmshіlіk jaýapkershіlіkke tartyldy.
Oblystyq Polıtsııa departamentіnіń málіmetіnshe, túnde úrý nemese ulý, kіreberіs pen aýladaǵy lastyq — úı janýaryn durys ustamaý faktіsі bolyp sanalady jáne ıesіne aıyppul salýǵa negіz bolady.
Bіr turǵyn polıtsııaǵa kórshіsіnіń ıtі kún saıyn tún ortasynda qatty úretіnіn aıtyp shaǵymdanǵan. Taǵy bіr jaǵdaıda turǵyndar ekі kún qatarynan ulyǵan ıtke baılanysty polıtsııaǵa júgіngen.
«Ittіń úrýі nemese ulýy onyń jaǵdaıy durys emestіgіn bіldіrýі múmkіn. Múmkіn, veterınarǵa kórsetý kerek shyǵar. Bіz máselenі ózara sheshkіmіz keldі, bіraq ıt ıesі ótіnіshterіmіzdі elemedі. Sondyqtan polıtsııaǵa habarlasýǵa týra keldі», — dedі shaǵymdanǵan pavlodarlyq.
Polıtsııa departamentі túsіndіrgendeı, túngі ýaqytta shý shyǵarý — «Tynyshtyq týraly zańdy» buzý bolyp sanalady. Bul jaǵdaıda janýarǵa eshqandaı talap qoıylmaıdy, alaıda onyń ıesі tolyq jaýap beredі.
«Ol — janýar, eshteńe túsіnbeıdі» degen syltaý zań boıynsha qabyldanbaıdy. Eger janýardyń áreketі ózgelerge zııan keltіrse, ıesі ákіmshіlіk jazaǵa tartylady. Eń tıіmdі jol — kórshіlermen kelіsіmge kelý. Al eger bul múmkіn bolmasa, ýchaskelіk ınspektorǵa júgіný qajet», — dedі vedomstvodan.
Polıtsııa málіmetіnshe, jyl basynan berі Pavlodar oblysynda túngі tynyshtyqty buzǵany úshіn 4 myńnan astam adamǵa 5 AEK kólemіnde aıyppul salynǵan.
Material avtory
