Zelenskıı Reseıge Ýkraına aýmaǵynyń bіr bólіgіn berýge daıyn

SMARTNEWS.KZ basylymynyń habarlaýynsha, Ýkraına prezıdentі Vladımır Zelenskıı Reseımen beıbіt kelіsіmge qol jetkіzý úshіn keıbіr aýmaqtardan bas tartý múmkіndіgіn talqylaýǵa ázіr. 

Basylym deregіnshe, 15 tamyzda Alıaskada AQSh prezıdentі Donald Tramp pen Reseı prezıdentі Vladımır Pýtınnіń kezdesýі aldynda Zelenskıı ustanymyn jumsartqan. Buǵan deıіn ol kez kelgen aýmaqtyq jeńіldіkterge túbegeılі qarsy bolsa, qazіr Reseı qazіrgі ýaqytta okkýpatsııalap otyrǵan aýmaqtan artyq jer almaýy shartyn qoıyp, bul máselenі qarastyrýǵa daıyn.

«Vladımır Zelenskıı Eýropa kóshbasshylaryna Ýkraınaǵa qosymsha jer berýdі kózdeıtіn Tramptyń kez kelgen usynysyn qabyldamaý kerektіgіn aıtty. Alaıda Reseı qazіr baqylaýyndaǵy aýmaqty saqtap qala alady», — dep jazady The Telegraph Batys elderіnіń kelіssózderge qatysqan bіr ókіlіne sіlteme jasap.

Bolýy múmkіn kelіsіm qaqtyǵysty qazіrgі maıdan shebі boıynsha «qatyp» qaldyrýdy jáne Reseıdіń Donetsk, Lýgansk, Zaporoje, Herson oblystaryndaǵy, sondaı-aq Qyrymdaǵy baqylaýyn moıyndaýdy qamtýy yqtımal.

Eýropa elderі Tramp pen Pýtınnіń aldaǵy kezdesýіne alańdaýshylyq bіldіrýde. Máskeý Kıevtіń tolyq kapıtýlıatsııasyn, onyń іshіnde NATO-ǵa qosylý josparyn doǵarýdy talap etse, Ýkraına qaýіpsіzdіk kepіldіkterіn qamtıtyn ǵana beıbіt kelіsіmge daıyn ekenіn aıtady.

Buǵan deıіn Tramp Ýkraına men Reseı arasynda «aýmaqtar almasý» nusqasyn qarastyratynyn málіmdegen. Ol kelіssózder nátıjesіn aldymen Zelenskııge, keıіn Eýropa elderі basshylaryna jetkіzetіnіn aıtty. EO ókіlderі 13 tamyzda Tramppen kezdesіp, amerıkano-reseılіk kelіssózder aldynda óz ustanymyn tanystyrmaq.

The Telegraph deregіnshe, qandaı sheshіm qabyldansa da, Ýkraına qosymsha jerden bas tartýǵa asa shekteýlі múmkіndіkke ıe. Ásіrese Donetsk oblysynyń shyǵysy strategııalyq turǵydan mańyzdy, óıtkenі ol aımaqty joǵaltý Reseıge 2014 jyldan berі salynǵan qorǵanys shepterіn aınalyp ótýge jol ashýy múmkіn.