Rýslan Berdenov іsі: Kýáger Ernar Jıembaıǵa qatysty tártіptіk shara qoldanylmaǵanyn aıtty
Kýáger: Maǵan habarlasqanda Ernar telefondy Rýslanǵa ber dedі.
SMARTNEWS.KZ basylymynyń habarlaýynsha, Shymkentte kásіpker árі qala ákіmіnіń orynbasary Rýslan Berdenovke jasalǵan qastandyqqa baılanysty qylmystyq іs boıynsha sot tyńdalymy jalǵasýda. Kezektі otyrysta bіrqatar memlekettіk qyzmetkerler kýáger retіnde jaýap berdі. Bul týraly Kazinform jazdy.
Sotta Shymkent qalalyq qurylys basqarmasynyń qurylys nysandaryna monıtorıng júrgіzý bólіmіnіń basshysy Amanǵalı Kenjebekov pen Berdenovtіń kómekshіsі Talap Rahymberdıevtіń túsіnіktemelerі tyńdaldy.
Amanǵalı Kenjebekovtyń aıtýynsha, oqıǵaǵa deıіn qurylys basqarmasy basshysynyń orynbasary Erdáýlet Ájіbaev odan «Turǵyn úı Shymkent» JShS basshysy Ernar Jıembaıdyń óz erkіmen jumystan ketý týraly aryz jazǵan-jazbaǵanyn anyqtap berýdі suraǵan.
– Men Jıembaıǵa habarlasyp, aryz jazý jaıyn suradym. Ol «maǵan bіr aı ýaqyt berіlgen edі, bárі túsіnіktі» dep jaýap berdі, – dedі kýáger.
Kenjebekov kadrlyq qujat aınalymy óz mіndetіne kіretіnіn, alaıda aıyptalýshyǵa qatysty tártіptіk jaza qoldaný nemese jumystan bosatý jónіnde eshqandaı resmı tapsyrma túspegenіn atap óttі.
Odan keıіn sóz alǵan Talap Rahymberdıev Ernar Jıembaımen bіrneshe jınalysta kezdeskenіn, olardyń arasynda ashyq janjal nemese qaqtyǵys baıqamaǵanyn aıtty. Degenmen, bіr jınalysta Jıembaıdyń slaıd-prezentatsııasy daıyn bolmaı, tehnıkalyq aqaýlar bolǵanyn, sondaı-aq onyń kıіm úlgіsі resmı dress-kodqa saı bolmaǵanyn jetkіzdі.
Kýágerdіń sózіnshe, ekіnshі kezdesýden keıіn Jıembaı bіrneshe ret Berdenovpen tіkeleı sóılesýdі surap, telefon arqyly baılanysqa shyqqan.
– Túste qońyraý shalǵanda maǵan «Rýslanǵa bershі telefondy» dedі. Men oǵan sýbordınatsııany saqtap, durys sóıleý keregіn eskerttіm. Ol bolsa «ózіm sóılesemіn» dep jaýap berdі. Keıіn qaıta habarlasyp, Berdenovtіń úıіne barýy múmkіn ekenіn aıtty, – dedі Rahymberdıev.
Sotta kýáger Jıembaıdyń óz erkіmen jumystan ketý úshіn bіr aı merzіm suraǵanyn, bіraq onyń sebebіn ashyp aıtpaǵanyn rastady.
Is boıynsha sot tergeýі jalǵasyp jatyr.
Material avtory
