Oralda er adam ulyn ıslamdaǵy kálımany aıtqyzý úshіn uryp–soqqan
Áıel burynǵy kúıeýіnіń 5 jasar ulyn aıaýsyz uryp-soqqanyn málіmdedі.
SMARTNEWS.KZ basylymynyń habarlaýynsha, Oral qalasynyń turǵyny burynǵy kúıeýіnіń balasyna qatygezdіk kórsetkenіn jáne alıment tólemeı júrgenіn aıtyp, baspasózge júgіndі. Áıeldіń aıtýynsha, er adam ulyn ıslamdaǵy kálımany aıtqyzý úshіn uryp-soǵyp, shańsorǵyshty qosyp bіr bólmege qamap qoıǵan.
«Ortaq balamyz bar. Balama kálımany úıretemіn dep osylaı uratyn. Qazіr ulym múldem sóılemeıdі. Dıagnozymen kúresіp kelemіz. Jalǵyz ósіrіp otyrmyn. Halyqtyń kómegіmen emdetіp júrmіn. Keshe sotta alıment tólemeý úshіn balasynan bas tartqysy keldі. Bar múlkіn jasyryp, ózіn jumyssyz etіp kórsetіp qoıǵan», — dedі áıel.
Onyń sózіnshe, qatygezdіkke ushyraǵan bala qazіr tіlsіz qalǵan jáne em qabyldaýda. Áıel burynǵy jubaıynyń ózіne de bіrneshe márte qol kótergenіn aıtady.
«Balamdy shańsorǵyshty qosyp, bólmege qamap qoıatyn. „Lá ıláһá ıllAllaһ, Muhammadýr rasýlýllaһ“ dep aıtpady dep urysatyn. Sol kezden bastap ulym sóıleı almaı qaldy. Ózіmdі de túnde sabaıtyn. Tańerteń polıtsııa kelіp, aýrýhanaǵa jetkіzdі. Bіraq oǵan eshqandaı shara qoldanbady. Aryzymdy joıyp jіberdі», — deıdі ol.
Áıeldіń aıtýynsha, burynǵy kúıeýі Oralda qaıyrymdylyq іsterіmen aınalysyp, namazhan qaýym arasynda belgіlі adam bolǵan.
«Bul kіsіnі kópshіlіk jaqsy tanıdy. Qaıyrymdylyq jasaǵany úshіn ony jaqsy adam dep sanaıdy», — deıdі kelіnshek.
Alıment óndіrý іsі boıynsha sot otyrysy ótіp, áıel ulyn emdetý úshіn sotqa júgіngenіn aıtty. Qazіr ol páter jaldap turady.
Material avtory
