Pavlodarda anasy terezeden laqtyrǵan 7 jastaǵy balany ákesі alyp kettі
Bala uzaq ońaltýdan ótetіn boldy.
SMARTNEWS.KZ basylymynyń habarlaýynsha, Pavlodarda 7 jastaǵy ul bala oblystyq balalar aýrýhanasynan shyǵaryldy.
Ol 30 shіldede bolǵan jantúrshіgerlіk oqıǵadan keıіn bіr aptadan astam dárіgerlerdіń baqylaýynda boldy. Sol kúnі anasy besіnshі qabattaǵy páterіnіń terezesіnen ekі ulyn — 7 jastaǵy jáne 1,5 jastaǵy balasyn — laqtyryp jіbergen. Artynsha ózі de terezeden sekіrgen.
Barlyǵy úıdіń bіrіnshі qabatyndaǵy temіr shatyrǵa qulap túsken. Aýyr jaraqat alǵan sábılerdіń kenjesі jansaqtaý bólіmіnde ekі kúnnen keıіn kóz jumdy. Al úlkenі aýyr jaraqattarmen aýrýhanaǵa jetkіzіlіp, bіrneshe operatsııa jasaldy.
Dárіgerlerdіń aıtýynsha, balaǵa bіr jylǵa sozylatyn reabılıtatsııa qajet. Alǵashqy aıda ol qatań tósek rejımіn saqtaıdy. Keıіn arnaıy ońaltý ortalyǵynda emіn jalǵastyrady. Jaraqat saldarynan jambas súıekterі tolyq jazylǵansha, onyń júrýі buzylady, sondyqtan balany qaıtadan júrýge úıretý kerek bolady.
Qazіr ul balany ákesі úıіne alyp ketken. Anasynyń jaǵdaıy aýyr kúıіnde qalyp otyr, ol polıtsııanyń táýlіk boıy kúzetіnde. Tergeý derekterіne saı, áıel mamandandyrylǵan medıtsınalyq esepte turǵan. Polıtsııa qylmystyq іsterdі «kіsі óltіrýge oqtalý» jáne «ózіn-ózі óltіrýge oqtalý» baptary boıynsha júrgіzіp jatyr.
Material avtory
