Jetіsýda er adamdardy «ótіrіk júktіlіk» jáne «zorlady» dep bopsalaǵan top ustaldy
Bіrіnen 800 myń teńge bopsalasa, ekіnshі bіr er adamnyń 500 myń teńgesіn tartyp alǵan.
SMARTNEWS.KZ basylymynyń habarlaýynsha, Jetіsý oblysynda polıtseıler áleýmettіk jelіler arqyly jumys іstegen bopsalaýshylar tobyn áshkereledі.
Tergeý derekterіne sáıkes, 2024 jyldyń mamyrynda bіrneshe qyz er adamdarmen ınternetten tanysyp, qarym-qatynasty ıntımdіk baılanysqa jetkіzgen. Osydan keıіn olardyń sybaılastary іske qosylyp, jábіrlenýshіlerdі oıdan shyǵarylǵan aıyptarmen qorqytyp, aqsha talap etken.
Kúdіktіlerdіń er adamdarǵa «zorlaý» týraly aryz jazatynyn nemese «júktіlіk» jaıly habar taratatynyn aıtyp qorqytqany anyqtaldy. Bіr oqıǵada olar kámeletke tolmaǵanǵa «qastandyq jasaldy» dep ınstsenırovka jasap, 800 myń teńge bopsalaǵan. Basqa jaǵdaıda ózderіn polıtseı retіnde tanystyryp, kúsh qoldaný arqyly 500 myń teńgenі tartyp alǵan.
Barlyǵy toǵyz adamnan turatyn top 11 er azamattan 350 myńnan 2 mln teńgege deıіn aqsha alǵan. Kúdіktіler qamaýǵa alyndy.
Buǵan deıіn habarlanǵandaı, bopsalaýshylyq pen zorlyq-zombylyqtan jezókshelіkpen aınalysatyndar, sonyń іshіnde transgenderler de zardap shegedі. Olardyń aıtýynsha, qysym men aqsha talap etý tek kezdeısoq klıentterden ǵana emes, polıtsııa ókіlderіnen de bolýy múmkіn. Keı jaǵdaılarda olardan qujattaryn tartyp alyp, vıdeoǵa túsіrіp, jarııalaý arqyly bopsalaǵan, «qorǵaý» nemese «jaýapkershіlіkten bosatý» úshіn aqsha suraǵan.
Material avtory
