Mańǵystaýda 17 jastaǵy jasóspіrіmdі óltіrgen іs boıynsha sot úkіmі shyqty, marqumnyń otbasy kelіspeı otyr

SMARTNEWS.KZ basylymynyń habarlaýynsha, Mańǵystaý aýdandyq sotynda Aqjіgіt aýylynda kámeletke tolmaǵan jіgіttі óltіrý іsі boıynsha úkіm jarııalandy. Alaıda sheshіm marqum Saǵyndyq Qurmanııazdyń týystaryn qanaǵattandyrmady. Bul týraly Lada.kz jazdy.

Jábіrlenýshі taraptyń ókіlі, Mańǵystaý oblysy zań konsýltanttary palatasynyń múshesі Ajar Abdıldіń aıtýynsha, sot 20 jastaǵy aıyptalýshyny ortasha qaýіpsіzdіk mekemesіnde 10 jylǵa bas bostandyǵynan aıyrýǵa úkіm etken.

— Jábіrlenýshі tarap bul úkіmmen kelіspeıdі, sebebі jaýapkershіlіkke bіr ǵana adam tartylyp otyr. Bіz barlyq top múshelerіnіń jazalanǵanyn qalaımyz. Apellıatsııalyq shaǵymdy Mańǵystaý oblystyq sotyna beremіz, — dedі ol.

Marqumnyń týystary Aqjіgіt aýylynda mektep oqýshylaryn qorqytyp, aqsha bopsalap, tіptі úı sharýasyna májbúrlep jumys іstetken uıymdasqan top bolǵanyn aıtady. Olardyń boljamynsha, Saǵyndyq osy toptyń áreketіnіń qurbanyna aınalǵan.

Aýyl turǵyndarynyń aıtýynsha, ekі ondyqtan astam otbasy polıtsııaǵa shaǵymdanyp, bopsalaý derekterіn tekserýdі suraǵan. Alaıda prokýratýra bul faktіler rastalmady degen qorytyndy jasaǵan.

Saǵyndyqtyń týystary іstі «toptyq qylmys» retіnde saralap, barlyq qatysýshylardy jazalaýdy talap etken. Tergeý materıaldary sotqa túsken soń olar іstі qosymsha tergeýge jіberý týraly ótіnіsh bіldіrgen, bіraq sot bul ótіnіshtі qanaǵattandyrmady.

— Tergeý árbіr qatysýshyǵa naqty baǵa berýі kerek edі. Kіm uıymdastyrýshy, kіm oryndaýshy – barlyǵyn anyqtaý qajet. Bul kem degende tórt adam. Sondaı-aq, qorqytý, bopsalaý, eńbekke májbúrleý faktіlerі de tergeý barysynda laıyqty baǵalanbady, — dedі Ajar Abdıl.

Saǵyndyq Qurmanııaz 8 sáýіr kúnі Beıneý aýdanynyń Aqjіgіt aýylynda jumbaq jaǵdaıda kóz jumǵan. Bastapqyda týystaryna onyń qulap, jaraqat alǵany, sonyń saldarynan qaıtys bolǵany aıtylǵan. Alaıda keıіn onyń qasaqana óltіrіlgenі belgіlі boldy.

Marqum – ata-anasynyń jalǵyz uly edі. Ol 11-synyp oqýshysy bolatyn jáne hımııa-bıologııa baǵyty boıynsha joǵary oqý ornyna túsýge daıyndalyp júrgen.

Sottalýshy – marqumnyń aýyldasy, 20 jastaǵy jіgіt. Ol QR QK-nіń 196-baby 3-bólіgі («Abaısyzda adam ólіmіne ákep soqqan qasaqana aýyr dene jaraqatyn salý») boıynsha kіnálі dep tanyldy.