Federaldyq sýdıany sot ǵımaratynyń aldynda óltіrіp ketken: Kúdіktі Ýkraınadaǵy soǵysqa qatysqan
Qylmysqa qyzǵanysh sebep bolǵan.
SMARTNEWS.KZ basylymynyń habarlaýynsha, Volgograd oblysynyń Kamyshın qalasynda qalalyq sottyń aldynda federaldyq sýdıanyń máıіtі tabyldy. Tergeý komıtetіnіń málіmetіnshe, marqumnyń denesіnde oq jaraqattary men pyshaq іzderі bolǵan.
Kúdіktі oqıǵa ornynda ustaldy. Ol — jergіlіktі turǵyn. Qazіrgі ýaqytta oǵan asa qatygezdіkpen kіsі óltіrý (RF QK 105-baby, 2-bólіmі, «d» tarmaǵy) jáne qarýdy zańsyz saqtaý (RF QK 222-baby, 1-bólіmі) boıynsha qylmystyq іs qozǵaldy. Tergeý organdary ázіrge marqum men kúdіktіnіń aty-jónіn resmı túrde jarııalaǵan joq.
Alaıda bіrneshe reseılіk Telegram-arnanyń habarlaýynsha, qaza tapqan adam — federaldyq sýdıa Vasılıı Vetlýgın. Taratylǵan derekterge súıensek, ony sot ǵımaratynan shyqqan sátіnde ańdyp júrіp, karabınmen atyp óltіrgen, artynsha onyń denesіne aýyr qorlyq kórsetken.
Telegram-arnalar kúdіktіnіń ózі polıtsııaǵa berіlgenіn jazady. «112» deregіnshe, ol — 47 jastaǵy Sergeı K., Kamyshın turǵyny. RBK óz derekkózderіne sіlteme jasap, onyń Ýkraınadaǵy soǵysqa qatysqan burynǵy áskerılerdіń bіrі bolýy múmkіn ekenіn habarlady. Degenmen Baza arnasy bul málіmettіń resmı túrde rastalmaǵanyn atap óttі. Tergeý komıtetіnіń aıtýynsha, kúdіktі kommertsııalyq іspen aınalysqan.
Beıresmı aqparat boıynsha, qylmysqa qyzǵanysh sebep bolýy yqtımal. «112» jáne Mash arnalarynyń deregіnshe, er adam áıelі federaldyq sýdıamen baılanysta bolǵanyn bіlgen soń ony óltіrýge bel býǵan.
Material avtory
