Astanada adamdardy júk kólіgіmen qasaqana basýǵa tyrysqan sheteldіk ustaldy
Er adam osylaısha kek almaq bolǵan kórіnedі.
SMARTNEWS.KZ basylymynyń habarlaýynsha, Astanada Reseıdіń Novosіbіr óńіrіnde adamdarǵa qasaqana júk kólіgіmen soqpaq bolǵan degen kúdіkke іlіngen er adam ustaldy.
Tergeý málіmetіnshe, 10 tamyz kúnі kúdіktі ekі ret kólіktі ádeıі dámhana mańynda jınalǵan adamdar tobyna baǵyttaǵan. Bul áreketіn ol tanysyna jasalǵan shabýyl úshіn kek alý maqsatynda іstegen bolýy múmkіn. Abyroı bolǵanda, adamdar der kezіnde qashyp úlgergen, eshkіm aýyr jaraqat almaǵan.
11 tamyzda ol Reseıden shyǵyp, Ázerbaıjanǵa qashýdy josparlaǵan. Qazaqstan arqyly ótýge tyrysqan kúdіktіge halyqaralyq іzdeý jarııalanyp, syrttaı qamaýǵa alý sanktsııasy berіldі. 14 tamyzda ol Astanada qolǵa tústі. Qazіr ony Reseıge ekstradıtsııalaý máselesі qaralyp jatyr.
Aıta keteıіk, buǵan deıіn Pavlodarda er adam burynǵy jubaıyn ádeıі kólіkpen qaǵyp, saldarynan áıel bіr aıaǵynan aıyrylǵan edі. Jábіrlenýshі aıqyn qaýіp kezіnde kólіkten sekіrіp túsіp qashpaq bolǵanymen, júrgіzýshі ony pavılonǵa qysyp qalǵan. Qazіr áıel aýyr em qabyldap jatyr, týystary onyń reabılıtatsııasy men protezіne qarajat jınaýda.
Material avtory
