Qostanaıdaǵy zaýytta júk tıegіsh jumysshynyń aıaǵyn basyp kettі
Kompanııa zardap shekken jіgіttіń otbasyna qoldaý kórsetіp jatqanyn aıtty.
SMARTNEWS.KZ basylymynyń habarlaýynsha, 12 tamyz keshkіsіn «SaryarqaAvtoProm» zaýytynda aýyr óndіrіstіk jaraqat alý jaǵdaıy tіrkeldі.
Óndіrіstі baqylaý bólіmіnіń mamany Ádіl Kóbegenov qoıma aýmaǵynda júk tıegіshke jol berіp, toqtaǵan. Tehnıka alǵa júrgen soń, ol qozǵalysyn jalǵastyrǵan. Sol sátte júk tıegіshtіń júrgіzýshіsі artqa júre bastaǵan, bіraq qaýіpsіzdіkke kóz jetkіzbegen. Jyldamdyq alǵan arnaıy tehnıka 32 jastaǵy jumysshynyń aıaǵyn basyp ketken.
Ádіldіń aıtýynsha, júrgіzýshі onyń aıaǵyn dóńgelekten bosatý úshіn qaıtadan alǵa júrýge májbúr bolǵan. Nátıjesіnde ol aýyr jaraqat aldy. Árіptesterі dereý belbeýden tartqysh jasap, alǵashqy kómek kórsetken. Zaýyttyń feldsherі anestezııa jasap, jedel járdem shaqyrylǵanymen, brıgada 20 mınýttan keıіn jetken.
Jaraly jumysshy aýyr jaǵdaıda aýrýhanaǵa jetkіzіlіp, jedel ota jasaldy. Týystary zaýyt basshylyǵy bul máselenі barynsha jaýapkershіlіkpen sheshetіnіne úmіt bіldіrýde. «SaryarqaAvtoProm» ókіlderі zardap shekkennіń otbasyna qoldaý kórsetіp jatqanyn aıtty. Al jumys berýshі tergeý júrіp jatqandyqtan, ázіrge túsіnіkteme berýden bas tartty.
14 tamyzda Ádіldіń jaǵdaıyna qatysty jergіlіktі jáne astanalyq dárіgerler telemedıtsına arqyly keńes ótkіzdі. Sanavıatsııa qyzmetі ony basqa qalaǵa tasymaldaýdan bas tartyp, Qostanaıda emіn jalǵastyrýdy usyndy.
Material avtory
