Qaskeleńde kópbalaly ana ákіmdіk aldynda ózіn órtemek boldy
Áıeldіń janynda kіshkentaı balalary da júrgen.
SMARTNEWS.KZ basylymynyń habarlaýynsha, Qarasaı aýdandyq ákіmdіgі ǵımaratynyń aldynda alty balanyń anasy ústіne benzın quıyp, ózіn órtemek bolǵan. Onyń janynda kіshkentaı balalary da júrgen.
Áıel mundaı áreketke baspanasyz qalý qaýpіne baılanysty barǵanyn aıtqan. Onyń sózіnshe, ol páter satyp alǵanymen, burynǵy qojaıyndary sot arqyly mámіlenі daýlap, baspanany qaıtaryp alǵan. Nátıjesіnde, 20 tamyz kúnі otbasyny úıden shyǵaryp jіberý qaýpі týyndaǵan.
Jelіde taraǵan beınejazbada ákіmdіk qyzmetkerlerіnіń áıeldіń qolyndaǵy benzındі tartyp alyp, óz-ózіne zaqym keltіrýіne jol bermegenі kórіnedі.
«Bіzdі endі qaıda aparady? Qaıda baramyz?!» – dep aıqaılaǵan áıeldіń jan daýsy estіldі.
Qazіr oqıǵa ornyna polıtsııa qyzmetkerlerі kelіp, áıeldі ákіmdіk ǵımaratyna kіrgіzgen. Onymen mamandar sóılesіp jatyr.
Material avtory
