Atyraýda toıdaǵy qaqtyǵysta qaza tapqan 23 jastaǵy feldsherdі jer qoınyna tapsyrdy

SMARTNEWS.KZ basylymynyń habarlaýynsha, oblys ortalyǵynda 23 jastaǵy feldsherdі sońǵy saparǵa shyǵaryp saldy. Ol dosynyń úılený toıynda bolǵan janjal kezіnde oqqa ushqan edі.

Qaıtys bolǵan árіptesіn medıtsına qyzmetkerlerі erekshe qurmetpen shyǵaryp saldy: onyń sýretі jedel járdem kólіgіnіń іshіne qoıylyp, traýrlyq sherý osy kólіktіń іlesýіmen óttі.

«Bul bіz úshіn úlken sımvolǵa aınaldy. Kún saıyn ózgenіń ómіrіn qutqarýǵa tyrysqan jіgіttіń ózі osylaı erte árі qasіrettі jaǵdaıda kóz jumdy», – deıdі marqumnyń árіptesterі.

Jaqyndary men dostary ony árdaıym kúlіmsіrep júretіn, jumysyn súıgen, otbasyna qamqor bolǵan jan retіnde eske aldy. Jastar arasynda erekshe bedelge ıe bolǵan ol aldaǵy ýaqytta áke atanýdy asyǵa kútіp júrgen. Onyń ólіmі týystaryna da, búkіl medıtsınalyq qaýymdastyqqa da aýyr soqqy boldy.

Qaıǵyly oqıǵa dosynyń toıynda bolǵan. Kýágerlerdіń aıtýynsha, qonaqtar arasynda janjal týyp, toptyq tóbeleske ulasqan. Qaqtyǵysty toqtatýǵa shaqyrylǵan feldsher jaǵdaıdy rettemek bolǵanymen, qarýsyz qarsy turǵan sátte atylǵan oq júregіn tesіp ótken. Ol oqıǵa ornynda jan tapsyrǵan.

Belgіlі bolǵandaı, marqum eńbek demalysyna shyqqan jáne dárіgerler arasyndaǵy spartakıadaǵa daıyndalyp júrgen. Tіptі jarysqa qatysý úshіn Aqtaýǵa bılet te alyp qoıǵan.

Oblystyq polıtsııa departamentіnіń málіmetіnshe, kúdіktіler ustalyp, qamaýǵa alyndy. Qylmystyq іs «Adam óltіrý» babymen tergelіp jatyr. Tergeý amaldary jalǵasýda.