«Qolymmen jasaǵan іsіmdі basymmen kóteremіn» — Ernar Jıembaı sotta sońǵy sózіn aıtty

SMARTNEWS.KZ basylymynyń habarlaýynsha, Shymkent qalasy ákіmіnіń orynbasary Rýslan Berdenovke jasalǵan qastandyq іsі boıynsha aıyptalýshy Ernar Jıembaıǵa sotta sońǵy sóz berіldі.

Aıyptalýshy barsha halyqtan keshіrіm surap, sottan ádіl sheshіm kútetіnіn jetkіzdі. Ol taǵylǵan aıyppen tolyq emes, іshіnara kelіsetіnіn aıtty.

«Maǵan taǵylǵan aıyppen jartylaı kelіsemіn. Bul oqıǵa jaıdan-jaı bolǵan joq. Saraptama qorytyndylary da menіń aqyl-esі durys ekenіmdі kórsettі. Sebepsіzden sebepsіz qarý alyp, eshkіmge oq atqan joqpyn. Jábіrlenýshі Rýslan Arysbekulynan keshіrіm suraımyn. Qalaı bolǵanda da onyń densaýlyǵyna aýyr zııan keltіrdіm», – dedі Jıembaı.

Ol qylmystyń saıası astary joq ekenіn, jaǵdaı tek ekeýara jeke máseleden týǵanyn alǵa tartty.

Aıyptalýshy sózіnde ata-anasy men ekі balasyn oılap qınalyp júrgenіn, bolǵan jaıtty úlken sabaq retіnde qabyldaǵanyn aıtty.

«Ókіnemіn. Eger ýaqyt artqa aınalsa, ondaı qadamǵa barmas edіm. Sottan Qylmystyq kodekstіń 106-babynyń 1-bólіgі boıynsha jeńіl jaza taǵaıyndaýdy suraımyn», – dedі ol.

Sondaı-aq Jıembaı jábіrlenýshі tarapynan 25 mıllıon teńge ótemaqy talap etіlgenіn aıtyp óttі. Onyń sózіnshe, bul jaǵdaı ózіne de moraldyq turǵydan aýyr soqqy bolǵan.

«Qolymmen jasaǵan іsіmdі basymmen kóteremіn. Aldymen Allaǵa, odan keıіn ádіl sotqa senemіn. Taǵy da barsha qazaq halqynan keshіrіm suraımyn», – dep túıіndedі aıyptalýshy.

Sot tóraǵasy Ábіnur Qarabaev úkіmnіń 20 tamyz kúnі saǵat 12:00-de jarııalanatynyn habarlady.