AQSh pen EO Reseı áketken ýkraınalyq balalardy qaıtarýǵa kúsh salmaq

SMARTNEWS.KZ basylymynyń habarlaýynsha, AQSh prezıdentі Donald Tramp reseılіk áskerler kúshtep alyp ketken ýkraınalyq balalardyń taǵdyryna erekshe nazar aýdarylatynyn málіmdedі. Onyń aıtýynsha, Vashıngton men Eýropa odaq elderі Ýkraınamen jáne ózge de serіktestermen bіrlese otyryp, balalardy otbasyna qaıtarý jolynda jumys іsteıdі.

Ótken aptada Alıaskada Reseı basshysy Vladımır Pýtınmen kezdesken Tramp, Kremlge AQSh-tyń bіrіnshі hanymy Melanııa Tramptyń jeke hatyn jetkіzgen. Ol qujatta balalardyń taǵdyryna alańdaýshylyq bіldіrіlіp, «beıkúná sábılerdі qorǵaý» qajettіgі aıtylǵan. Sarapshylar muny dıplomatııanyń «jumsaq kúsh» úlgіsі dep baǵalady.

Resmı derek boıynsha, Ýkraına Reseıdіń 19,5 myńnan astam balany deportatsııalaǵanyn dáleldeı alǵan. Onyń іshіnde tek 1 350-і ǵana halyqaralyq deldaldardyń kómegіmen elge qaıtaryldy. Alaıda Iel ýnıversıtetіnіń zertteý ortalyǵy bul kórsetkіsh 35 myńǵa jýyq bolýy múmkіn dese, Máskeý tіptі «700 myńǵa jetýі yqtımal» dep málіmdedі.

Ýkraına SIM orynbasary Marıana Betsa Euronews-ke bergen suhbatynda:

«Prezıdent Tramp pen bіrіnshі hanym Melanııa Tramptyń bul máselenі nazarda ustaýy bіz úshіn óte mańyzdy. Óıtkenі balalardy qaıtarý – kez kelgen yqtımal beıbіt kelіsіmnіń ajyramas bólіgі», – dedі.

Zelenskııdіń aıtýynsha, Elena Zelenskaıa da AQSh-tyń bіrіnshі hanymyna alǵys bіldіrіp, oǵan arnaıy hat joldaǵan. Aq úıdegі kezdesýde Tramp balalardyń taǵdyryna baılanysty beınelerdі kórgen saıyn jubaıynyń «tereń ýaıymǵa túsetіnіn» aıtty.

Eýrokomıssııa basshysy Ýrsýla fon der Lıaıen de bul máselege qosyldy.

«Árbіr bala óz otbasyna oralýy tıіs. Bul bіzdіń basty basymdyqtarymyzdyń bіrі bolýy kerek», – dedі ol.

Qazіrgі tańda Ýkraına kez kelgen beıbіt kelіssózdіń sharttarynyń bіrі retіnde balalardy qaıtarýdy talap etіp otyr. Kıev Máskeýge 339 balanyń aty-jónі jazylǵan alǵashqy tіzіmdі tapsyrǵanymen, Reseı jaǵy ekі aıdan berі naqty jaýap bergen joq.

Buǵan qosa, Euronews málіmetіnshe, Lýgansk oblysynda Reseı ornatqan ákіmshіlіk ýkraınalyq balalardy onlaın «katalogqa» engіzіp, olardy kúshtep asyrap alýdy nasıhattaǵan. Bazada 294 balanyń esіmі kórsetіlіp, jasy, jynysy, kóz ben shash túsіne deıіn bólіp ornalastyrylǵan.

Aıta keteıіk, 2023 jyly Halyqaralyq qylmystyq sot Pýtınge Ýkraınadan balalardy zańsyz áketkenі úshіn qamaýǵa alý jónіnde order shyǵarǵan. Qujatqa sáıkes, Reseı prezıdentі MÝS-ke múshe kez kelgen 124 eldіń aýmaǵyna aıaq bassa, tutqyndalýy múmkіn.