Ernar Jıembaı 9 jylǵa sottaldy: Ol jazasyn qaýіpsіzdіgі ortasha túrmede óteıdі

SMARTNEWS.KZ basylymynyń habarlaýynsha, qala ákіmіnіń orynbasary Rýslan Berdenovke qastandyq jasaý іsі boıynsha úkіm shyqty.

Qylmystyq іster jónіndegі aýdanaralyq sot aıyptalýshy Ernar Jıembaıdy QR QK-nіń 24-baby 3-bólіgі jáne 99-baby 1-bólіgі boıynsha kіnálі dep tanyp, 9 jylǵa bas bostandyǵynan aıyrdy. Jaza ortasha qaýіpsіzdіk rejımіndegі qylmystyq-atqarý mekemesіnde ótelmek.

Sot úkіmіnde Jıembaıdyń qylmysqa qatysy jábіrlenýshіler men kýálardyń jaýaptarymen, zattaı aıǵaqtarmen jáne saraptama qorytyndylarymen tolyq dáleldengenі atap ótіldі.

Jaza keskende sot aıyptalýshynyń buryn sottalmaǵanyn, kámeletke tolmaǵan balalary baryn jáne óz іsіne ókіngenіn jeńіldetetіn mán-jaı retіnde qarastyrdy. Al aýyrlatatyn jaǵdaı retіnde onyń qylmysty mas kúıіnde jasaǵany kórsetіldі.

Sot qylmysty asa aýyr sanatqa jatqyzyp, jazany qatańdatý qajettіgіn aıtty. Osyǵan baılanysty jazanyń jeńіl túrіn qoldanýǵa negіz joq degen sheshіm qabyldandy.