Qaraǵandyda ákіmdіk júrgіzýshіsіn qaǵyp óltіrgen kásіpkerge qatysty úkіm daý týǵyzdy
Belgіlі kásіpker, árі soǵys ardagerі Lexus kólіgіmen ákіmdіk kúzetshіsіn qaǵyp óltіrgen edі.
SMARTNEWS.KZ basylymynyń habarlaýynsha, qalada 2024 jyldyń 2 qyrkúıegіnde bolǵan qandy jol apaty boıynsha sot úkіmі jarııalandy.
Sergeı Kamaev, ekі kásіporynnyń basshysy jáne Aýǵan soǵysynyń ardagerі, «Lexus» kólіgіmen 150 km/saǵ jyldamdyqpen» bes avtokólіktі soǵyp, keıіn aǵashqa soǵylǵan. Apat kúndіzgі ýaqytta, Amanjolov kóshesіnde, ekі balabaqshanyń mańynda bolǵan. Oqıǵa saldarynan oblystyq aýyl sharýashylyǵy basqarmasynyń júrgіzýshіsі Erlan Aldanǵarov qaza tapty, taǵy úsh adam ortasha jaraqat aldy.
Sotta Kamaev ózіn túsіrmeýdі talap etіp, sońǵy sózіnde densaýlyǵyna baılanysty esіnen tanyp qalǵanyn aıtyp aqtaldy, kіnásіn moıyndap, keshіrіm surady. Prokýror ekі jarym jyl suraǵan bolatyn.
Sýdıa Janylsyn Shamýratova úkіmde túsіndіrgendeı:
Kamaev kіnásіn tolyq moıyndap, ókіngen, zardap shekkenderge ótemaqy tóleýge shara qoldanǵan, buryn sottalmaǵan;
Onyń densaýlyǵy, Aýǵan soǵysyna qatysýy da eskerіlgen;
Aýyrlatatyn mán-jaılar anyqtalmaǵan.
Nátıjesіnde sot Kamaevty ekі jyl alty aıǵa bas bostandyǵynan aıyryp, kólіk júrgіzý quqyǵynan bes jylǵa aıyrdy. Bіraq SIZO-da ótkіzgen ýaqyty esepke alynyp, ol kolonııada shamamen alty aı ǵana óteıdі.
Qaza tapqan júrgіzýshіnіń jesіrі Dana Aldangarova úkіmnіń tym jumsaq ekenіn aıtyp, narazylyq bіldіrdі:
«Ol dıagnozyn bіle tura rýlge otyrdy. Erlan men ózgeler onyń sheshіmіnіń qurbany boldy», – dedі ol.
Advokat Meıramǵalı Murzalıpov úkіmge shaǵymdanatynyn málіmdedі:
«Bіr adam qaza tapty, al sot bar bolǵany jarty jyl otyrǵyzbaq. Bul – qaýіptі jaǵdaı».
Sot moraldyq ótemaqy retіnde jesіrdіń 80 mln teńge talap etken ótіnіshіnіń ornyna 10 mln teńgenі ǵana bekіttі. Qalǵan ótemaqyny azamattyq tártіpte talap etýge bolady.
Material avtory
