Reseıde qazaqstandyqqa tyńshylyq pen dıversııa úshіn 16 jyl jaza taǵaıyndaldy
Oǵan ýkraın arnaıy qyzmetіnіń tapsyrmasyn oryndady degen aıyp taǵylǵan.
SMARTNEWS.KZ basylymynyń habarlaýynsha, Reseıdіń Sankt-Peterbýrg qalasyndaǵy Batys okrýgtіk áskerı soty 28 jastaǵy Qazaqstan azamaty Artýr Martynovty 16 jyl qatań rejımdegі kolonııaǵa qamaý týraly úkіm shyǵardy, dep habarlaıdy «Medıazona».
Martynovqa bіrneshe bap boıynsha aıyp taǵylǵan: tyńshylyq, dıversııa jasaý, dıversııa men terakt uıymdastyrýǵa daıyndyq, terrorızmge kómektesý jáne terakt jasaýǵa árekettený.
Aıyptaý nusqasy boıynsha, ol ýkraın arnaıy qyzmetіnіń tapsyrmasyn oryndap, aqsha úshіn Sankt-Peterbýrgtegі munaı óńdeý zaýytynyń koordınattaryn jetkіzіp otyrǵan jáne ınfraqurylym nysandaryn órtegen.
Tergeý málіmetіnshe, 2023 jyly Martynov Sankt-Peterbýrg pen Lenıngrad oblysynda baılanys munaralaryn órtegen, taratý qalqanyn, elektr kabelіn zaqymdaǵan jáne transformatorlyq qosalqy stansaǵa shabýyl jasaýǵa árekettengen. Aıyptaý negіzі retіnde messendjerdegі hattar men onlaın «daıyndyqtan» ótkenі týraly derekter keltіrіlgen.
Sottalǵan azamat óz kіnásіn moıyndamaıdy. Qazaqstannyń resmı bılіgі ázіrge bul jaǵdaıǵa qatysty pіkіr bіldіrgen joq.
Material avtory
