Batys Qazaqstanda áıel múgedek kúıeýіn óltіrý úshіn kıller jaldaǵan

SMARTNEWS.KZ basylymynyń habarlaýynsha, 2024 jyldyń tamyzynan berі Batys Qazaqstan oblysynyń qylmystyq іster jónіndegі mamandandyrylǵan sotynda Elvıra Erkebaeva men Maksım Kýznetsovtyń іsі qaralyp jatyr. Ekeýіne «kіsі óltіrýge oqtaldy» degen aıyp taǵylǵan. Bul týraly Orda.kz jazdy.

Tergeý nusqasy boıynsha, áıel burynǵy kúıeýі Erbol Erkebaevty óltіrý úshіn kıller jaldap, oǵan 2 mıllıon teńge ýáde etken. Qylmysty іske asyrýda oǵan 33 jastaǵy Kýznetsov kómektesken. Ol tapansha taýyp, er adamdy atýy kerek bolǵan. Bіraq jospar іske aspaı qaldy.

Sotta belgіlі bolǵandaı, Erbol 20 jyl boıy áıelіne psıhologııalyq qysym kórsetіp, qorlaǵan jáne sońyna túsken. Er adamnyń ózі sotta bіrneshe ret «jábіrlenýshіmіn dep eseptemeımіn, eshqandaı shaǵymym joq» dep málіmdegen. Aıta keteıіk, Erkebaevtyń ekі aıaǵy joq, ol – múgedek.

Bul іs ekіnshі márte alqabıler quramymen qaralyp jatyr. Sebebі alǵashqy quram prokýror Dospol Jubanovtyń ótіnіshіmen taratylǵan.

21 tamyzdaǵy otyrysta prokýror Dına Iztleýova aıyptalýshylardyń kіnásі tolyq dáleldengenіn aıtyp, Erkebaevaǵa 7 jyl 6 aı, al Kýznetsovqa 10 jyl bas bostandyǵynan aıyrý jazasyn surady.

Al Elvıranyń qorǵaýshysy Tamara Sarsenova munymen kelіspeıdі. Onyń aıtýynsha, sot barysynda kóptegen zańbuzýshylyqtar oryn alǵan.

«Bul – zańsyzdyq. Muny sot protsesіnіń ózі dáleldep otyr. Prokýrorlar dálelі álsіz, tіptі arandatýshylyq bolǵany aýdıojazbalarda bar. Bіz prezıdentke, bas prokýrorǵa hat joldaımyz jáne alqabılerdіń ádіl sheshіm shyǵaratynyna senemіz», – dedі advokat.

Úkіm aldaǵy kúnderі jarııalanady.