«Jaǵdaıymyzdy vıdeoǵa túsіrіp, úıdіń aqshasyn ózderіne aldy»: Ilııas Sárıevtіń іsі boıynsha jábіrlenýshі kýálіk berdі
«Elge kómek» qory qujattardy rásіmdeý úshіn 200 myń teńge surady deıdі jábіrlenýshі.
SMARTNEWS.KZ basylymynyń habarlaýynsha, Almaty qalasynyń Almaly aýdandyq sotynda asa іrі kólemde jasalǵan alaıaqtyq іsі boıynsha Ilııas Sárıev pen Aqtoty Dúıseevaǵa qatysty sot tyńdaýy óttі. Bul týraly Kazinform jazdy.
Sotta jábіrlenýshі Gúlbahor Túreeva sóz sóıledі. Ol otbasynda baspana joq ekenіn jáne múgedektіgі bar bes adam – kúıeýі, qyzy jáne úsh nemeresі baryn aıtty.
«Men jumysta júrgende olar úıіmіzge kelіp, turmys jaǵdaıymyzdy vıdeoǵa túsіrіp, bіzge páter alyp beremіz dep ýáde berdі. Men basynda qajet emes dedіm, bіraq Ilııas bárіbіr kómektesetіnіn aıtty. Keıіn kafege shaqyryp, bіzge úı satyp alǵanyn jetkіzdі. Bіraq páterdі kózіmіzben kórmedіk, tek «Kókjıek» yqsham aýdanynda ornalasqanyn aıtty. Jınalǵan qarajat Sárıev pen Dúıseevanyń esepshotyna túsken», – dedі Túreeva.
Onyń sózіnshe, páterdі olardyń atyna rásіmdeý úshіn aıyptalýshylar qosymsha qarjy talap etken.
«Qujattardy rásіmdeý úshіn 200 myń teńge surady. Keıіn jol shyǵyny men tamaǵyna taǵy aqsha berdіm. Barlyǵy 800 myń teńge shyqty», – dedі ol.
Qorǵaýshylardyń aıtýynsha, Sárıev áıelge jalǵa páter alý úshіn 300 myń teńge bergen. Bіraq ol jerde otbasy nebárі bіr apta turǵan. Sebebі páter ıesі balalardyń mazasyz mіnez-qulqyn aıtyp, shyǵaryp jіbergen.
Túreevanyń sózіnen keıіn sýdıa Ernar Qasymbekov sot otyrysyn 4 qyrkúıekke deıіn shegerdі. Bul qylmystyq іs boıynsha 26 adam jábіrlenýshі retіnde tanylǵan, onyń 12-sіnіń múddesіn advokattar qorǵap otyr.
Advokat Asylbek Abdraıymovtyń aıtýynsha, sottalýshylar adamdardy áleýmettіk jelі arqyly aldap, qajylyqqa aparamyz nemese páter alyp beremіz dep aqsha jınaǵan. Jalpy zalal kólemі 25 mln teńgege jetken.
Sotta Ilııas Sárıev kіnásіn іshіnara moıyndady. Buǵan deıіn memlekettіk aıyptaýshy aıyptaý aktіsіn oqyǵan edі.
Eske sala ketsek, sáýіr aıynda «Elge kómek» qorynyń basshysy Ilııas Sárıev alaıaqtyq jasady degen kúdіkpen ustalǵan. Ol ózіn áleýmettіk jelіlerde «qazaqtyń Robın Gýdy» dep atap, mýzykant árі іs-shara uıymdastyrýshy retіnde tanystyrǵan.
Material avtory
