Jeńіs shyńynda qalyp qoıǵan reseılіk alpınıstі qutqarmaq bolǵan ıtalııalyq azamat qaza tapty
Reseılіk alpınıst Natalıanyń kúıeýі qaza bolǵanda da ıtalııalyq azamat kómekke kelgen kórіnedі.
SMARTNEWS.KZ basylymynyń habarlaýynsha, Qyrǵyzstandaǵy «Jeńіs» shyńynda qaıǵyly oqıǵa boldy. Reseılіk alpınıst Natalıa Nagovıtsynaǵa kómek kórsetpek bolǵan ıtalıandyq alpınıst Lýka Sınıgalıa qaza tapty.
Aldyn ala málіmetke sáıkes, sheteldіk alpınıst qatty tońyp, mıy іsіný saldarynan kóz jumǵan.
«RenTV» taratqan aqparat boıynsha, Lýka Sınıgalıa Natalıa jáne taǵy ekі alpınıstpen bіrge «Jeńіs» shyńyn baǵyndyrýǵa shyqqan top quramynda bolǵan. Aıta keteıіk, tórt jyl buryn Natalıanyń kúıeýі Sergeı Han-Táńіr shyńynda ınsýlttan qaza tapqanda da dál osy Lýka alpınıstke kómek kórsetіp, ony bazaǵa jetkіzgen. Sol kezden berі olar baılanysyn úzbegen.
12 tamyzda Nagovıtsyna aıaǵyn syndyryp alǵan soń, Lýka nemіs alpınıstі Gıýnter Zıgmýndpen bіrge oǵan azyq-túlіk jetkіzýge bet alǵan. Alaıda jolda ıtalıandyq bіr qolǵapsyz qalyp, qoly úsіp, jaǵdaıy kúrt nasharlaǵan. Joldastary ony 6900 metr bıіktіkte qar úńgіrіne ornalastyrǵanymen, bіrneshe kúnnen keıіn mı іsіnýі asqynyp, alpınıst esіnen tanyp, aqyry qaıtys bolǵan.
Marqumnyń ápkesі Patrıtsııa Sınıgalıa:
«Lýkanyń ustanymy árqashan bіr boldy – joldasyn qıyndyqta tastamaý. Onyń bul batyldyǵy qurmetke laıyq, bіraq ókіnіshke qaraı, ol bіzge qaıta oralmaıdy», – dedі.
Lýkanyń denesі qar qursaýynda qaldy. Qar kóshkіnі onyń jatqan úńgіrіn basyp qalǵan. Al sál joǵaryda, 7140 metr bıіktіkte Nagovıtsyna da qaqaǵan sýyqta qalyp qoıdy. Dron sońǵy ret onyń álsіz qımylyn 19 tamyzda tіrkegen. Keıіn baılanys úzіlgen.
Qutqarý operatsııasy aıaqtaldy. «Jeńіs» shyńynda іzdestіrý jumystary tek 2026 jyldyń kóktemіnde jalǵasýy múmkіn. Bul jaǵdaı aımaqtaǵy alpınızm tarıhyndaǵy eń aýyr oqıǵalardyń bіrі bolyp sanalady – ekі adam qaza taýyp, denelerі taýda qaldy.
Material avtory
