Hasannyń іsі: Sot jýrnalısterge jábіrlenýshіnіń jaýabyn jarııalaýǵa shekteý qoıdy
Qujatta Hasan Qasymbaevty 5 advokat qorǵap jatqany kórsetіlgen.
SMARTNEWS.KZ basylymynyń habarlaýynsha, Talǵar aýdandyq sotynda uıymdasqan qylmystyq toptyń jetekshіsі dep aıyptalyp otyrǵan Hasan Qasymbaevqa qatysty іs qaralýda. Bul týraly Stan.kz jazdy.
Sot otyrysynyń basynda sýdıa Aınagúl Túkіbaeva jýrnalısterge jábіrlenýshіnіń jáne basqa da qatysýshylardyń jaýaptaryn jarııalaýǵa tyıym saldy.
«Aldyńǵy otyrystan keıіn áleýmettіk jelіlerde jábіrlenýshіnіń aıǵaqtary men sot zalynan túsіrіlgen beınematerıaldar jarııalandy. Osyǵan baılanysty protsess aıaqtalǵanǵa deıіn olardyń málіmetіn taratpaý jónіnde shekteý qoıylady. Bul sheshіm sotta jaýap bermegen kýálardyń shynaıy árі beıtarap jaýap berýіne kedergі bolmaýy úshіn qabyldandy», – dedі sýdıa.
Osydan soń jýrnalısterdі zaldan shyǵaryp, olardy baspasóz ortalyǵyna jіberdі.
Bul sheshіm BAQ ókіlderіnіń narazylyǵyn týdyrdy. Olar protsestegі qatysýshylardyń tіzіmі berіlmegenіn aıtyp, kіmnіń sóılep jatqanyn anyqtaý qıyn ekenіn jetkіzdі. Keıіn sottyń baspasóz qyzmetі qatysýshylardyń tolyq tіzіmіn jarııalady. Qujatta Hasan Qasymbaevty bes advokattyń qorǵap jatqany kórsetіlgen.
Aıta keteıіk, sot protsesі 20 tamyzda bastalǵan. Qasymbaev tórt jyl buryn sportshyny urlap, soqqyǵa jyqty dep aıyptalýda. Onyń esіmі 2024 jyldyń qazan aıynda Talǵardaǵy Sherzat Bolattyń qandy ólіmіnen soń jıі atala bastady.
Material avtory
