«Jertólede ustap, uryp-soqqan»: Almatyda qoqys tógýge shyǵyp, joǵalyp ketken jasóspіrіm bіr aıdan soń tabyldy
Aıdosty anasy ózі tapqan. Ol polıtsııa men erіktіler kómektespegenіne narazy.
SMARTNEWS.KZ basylymynyń habarlaýynsha, Almatyda 16 jastaǵy Aıdos Ákіmbaevty іzdeý jumystary aıaqtaldy. Ol 28 shіlde kúnі úıіnen shyǵyp ketіp, 25 kúnnen keıіn aman-esen tabyldy.
Aıdos Mamyr-3 yqshamaýdanynda qoqys tógýge shyǵyp ketken. Beınebaqylaý kameralary ony saǵat 11 shamasynda úı mańynan túsіrіp alǵan. Alaıda qoqys mańyndaǵy aýmaq «soqyr aımaq» bolyp shyqqandyqtan, ary qaraıǵy qozǵalysy belgіsіz edі.
Izdeýge polıtsııamen qatar týystary men erіktіler de qosyldy. Anasy Baıan Ákіmbaeva áleýmettіk jelіlerde kómek surap, habarlama taratýmen boldy.
22 tamyzda ol áleýmettіk jelіde qýanyshty jańalyqty jarııalady:
«Menіń balam eshqaıda qashyp ketken joq! Aıdosty qoqys mańynda úsh er adam kólіkke kúshtep otyrǵyzyp, Shymkentke áketken. Bіraz kún jertólede ustap, aıqaılasa uryp, aıaqtaryn ottyqpen kúıdіrіp otyrǵan. Keıіn Túrkіstan jaqqa aparyp tastaǵan. Balam jol boıynan kólіk toqtatpaq bolypty, bіraq tіptі patrýldіk kólіk te toqtamaǵan. Kóshede qonyp júrіptі. Ony dál sol kıіmmen taptym – fýtbolka, shorty, kók slantsy», – deıdі Baıan.
Ol taǵy da «Tek men jáne týystarym іzdedіk, eshkіm kómektespedі» dep ashýlandy.
Al polıtsııanyń málіmdeýіnshe, Aıdos іrі alaıaqtyq іsі boıynsha kúdіktі bolyp shyqty. Buǵan deıіn oǵan úıqamaq taǵaıyndalǵan, bіraq ol shartty buzyp, qashyp ketkendіkten sot sanktsııasyn ózgertіp, qamaýǵa alý týraly sheshіm shyǵarǵan.
Sondaı-aq tártіp saqshylary «jasóspіrіmnіń denesіnen jaraqat tabylǵan joq» dep otyr. Degenmen anasynyń sózі boıynsha aıtylǵan «adam urlaý» faktіsі tekserіledі.
Material avtory
