«13,5 mln teńgenі bermeı otyr»: jalǵyzbasty ananyń janaıqaıy qoǵamda daý týdyrdy

SMARTNEWS.KZ basylymynyń habarlaýynsha, Qazaqstanda áleýmettіk jelіlerde qaıyrymdylyq máselesіne qatysty úlken pіkіrtalas órbіdі. 4 balany jalǵyz baǵyp otyrǵan Gúlіm Bolatjan esіmdі áıel halyqtyń kómegіmen jınalǵan 13,5 mıllıon teńgenі ala almaı júrgenіn aıtty. Onyń sózіnshe, qarajatty basqarǵan qaıyrymdylyq qorynyń jetekshіsі Yrysbala Ikrambaı aqshany berýden bas tartqan. Bul týraly Skifnews.kz jazdy.

Gúlіmnіń jazbasy qoǵamda qyzý talqy týdyrdy. Keıbіr qoldanýshylar anany qoldap, «eger qarajat jınalsa, tolyqtaı berіlýі kerek» dese, endі bіr bólіgі kerіsіnshe pіkіr bіldіrdі:

«Eshkіm páter syılaýǵa mіndettі emes. Barlyǵy sekіldі eńbek etіp, tabys tabý qajet» – deıdі syn aıtýshylardyń bіrі.

«Qordyń mundaı áreketі – halyq senіmіn aldaý. Jınalǵan aqsha muqtaj adamǵa jetýі tıіs» – dep qarsy pіkіr bіldіrgender de bar.

Talqylaýǵa qatysqandardyń keıbіrі ananyń ómіrlіk jaǵdaıyn túsіnіstіkpen qabyldaýǵa shaqyrdy:

«Árkіmnіń taǵdyry ártúrlі. Múmkіn, kúıeýі qaıtys bolǵan nemese densaýlyǵynda qıyndyq bar shyǵar. Asyǵys úkіm shyǵarmaý kerek» – dep anany jaqtaýshylar jazdy.

Al ózgelerі «balalardy dúnıege ákelgen soń memleketten nemese halyqtan talap etý durys emes» degen ýáj keltіrdі. Tіptі bіr qoldanýshy óz ómіrіnen mysal keltіrdі:

«Menіń ájem 33 jasynda jesіr qaldy. Tórt balasyn jalǵyz ósіrіp, aıaqtandyrdy. Eshqashan shaǵym aıtqan joq».

Buǵan qosa, qaıyrymdylyq qoryna da syn kóp. Jelі qoldanýshylary «eger qor jınalǵan aqshany muqtaj janǵa bermese, bul – halyqtyń senіmіn terіs paıdalaný» degen pіkіrde.