Temіrtaýda balasymen tóbelesken jetkіnshektі uryp tastaǵan áıel jazalandy
Áıel beıtanys balany moınynan julqylap, súırep, betіnen urǵan.
SMARTNEWS.KZ basylymynyń habarlaýynsha, Temіrtaýda ekі balasymen serýendep júrgen áıel balasyn basqa jetkіnshekpen tóbelesіp jatqan jerіnen kórіp, shydaı almaı áreketke kóshken. Ol oıyn alańynda ózge balany moınynan julqylap, súırep, betіnen urǵan. Bul sát beınekameraǵa túsіp qalǵan.
Oqıǵa maýsym aıynda bolǵanymen, sot sheshіmі endі jarııalandy. Tergeý materıaldaryna qaraǵanda, áıel jetkіnshektі shapalaqtaǵannan keıіn onyń mıy shaıqalyp, betі kógergen.
Aıyptalýshy kіnásіn moıyndap, ókіnіsh bіldіrgen. Al jábіrlenýshіnіń anasy sottan ádіldіk talap etken.
«Sot áıeldіń ókіngenіn jáne jas balalary bar ekenіn eskerіp, jazany jeńіldettі. Ol Qylmystyq kodekstіń 108-baby boıynsha kіnálі dep tanylyp, 6 aıǵa probatsııalyq baqylaý qoıyldy. Sonymen qatar jábіrlenýshіge 100 myń teńge moraldyq ótemaqy tóleýge mіndetteldі», – delіngen sot habarlamasynda.
Material avtory
