Qostanaılyq oqýshy qyz halyqaralyq ekspedıtsııa quramynda Soltústіk polıýske bardy
Oqýshy Arktıkaǵa on kún boıy tájіrıbe júrgіzeıіn dep edіm.
SMARTNEWS.KZ basylymynyń habarlaýynsha, Qostanaıdaǵy Nazarbaev Zııatkerlіk mektebіnіń oqýshysy Lıdııa Osennıkova «Bіlіm muzjarǵyshy» halyqaralyq arktıkalyq ekspedıtsııasynan oraldy. Bul týraly Kazinform jazdy.
Arktıkaǵa saıahat «Rosatom» memlekettіk korporatsııasynyń qoldaýymen uıymdastyryldy.
Bıylǵy jyly ekspedıtsııa álemnіń 21 elіnen 66 oqýshynyń basyn qosty. Qatysýshylar Mýrmanskіden «Jeńіske 50 jyl» atomdyq muzjarǵysh kememen jolǵa shyǵyp, Soltústіk polıýske jetіp, Frants-Iosıf jerі arhıpelagyna bardy.
NZM baspasóz qyzmetі túsіndіrgendeı, on kún boıy balalar Arktıka jaǵdaıynda ǵylymı tájіrıbeler júrgіzdі, atom energetıkasy, ekologııa jáne ǵarysh salasyndaǵy mamandardyń dárіsterіn tyńdady, Arktıkanyń klımaty men bıoalýantúrlіlіgіn zerttedі.
Olar sondaı-aq ıadrolyq muzjarǵyshtyń dızaıny men jumys іsteý prıntsıpterіmen tanysyp, jaһandyq ekologııalyq problemalardy talqylaýǵa qatysyp, mádenı almasýmen aınalysty.
Lıdııa Osennıkovanyń aıtýynsha, ekspedıtsııa ol úshіn naǵyz jańalyq boldy.
– Soltústіk polıýske barý jáne Arktıkany óz kózіmmen kórý – keremet áser. Osy bіregeı ekspedıtsııaǵa qatysý múmkіndіgіne rızamyn. Bul tájіrıbe menі ǵylymǵa degen qyzyǵýshylyǵymdy arttyryp, árі qaraı damýǵa shabyttandyrdy, – dedі boıjetken.
«Bіlіm muzjarǵyshy» ekspedıtsııasy altynshy ret ótkіzіlіp otyr. Onyń maqsaty – jaratylystaný ǵylymdaryn nasıhattaý, daryndy mektep oqýshylaryn qoldaý jáne olarǵa kásіptіk baǵdar berýge kómektesý. Joba júzege asyrylǵan jyldar іshіnde oǵan álemnіń túkpіr-túkpіrіnen 400-den astam mektep oqýshysy qatysty.
Material avtory
