Bloger-transgender zańsyz kazıno jarnamasynan 8 mln teńge aqsha tapqan

SMARTNEWS.KZ basylymynyń habarlaýynsha, Qarjylyq monıtorıng agenttіgі (QMA) zańsyz onlaın-kazıno jarnamasyna qatysy bar 34 blogerdі anyqtady. Bul týraly agenttіk málіmetіnshe, tanymal blogerler «jeńіl tabys» úshіn qazaqstandyqtardy qarjylyq tuzaqqa túsіrіp jatyr.

Qazіrdіń ózіnde 11 adam ákіmshіlіk jaýapkershіlіkke tartylǵan. Al qalǵan 23 blogerdіń іsі Mádenıet mınıstrlіgіne jіberіlgen. Ákіmshіlіk quqyq buzýshylyqtar týraly kodekstіń 455-baby («Jarnama týraly zańnamany buzý») boıynsha sharalar qoldanylýda.

Agenttіk deregіnshe, jyl basynan berі hıp-hop oryndaýshy Baller (Shyńǵyshan Kópbaev) atalǵan bap boıynsha bes ret jaýapqa tartylǵan. Sondaı-aq, 600 myńnan astam oqyrmany bar bloger árі mýzykant Rınat Shamshyraq ta onlaın-kazıno jarnamalaǵany úshіn ákіmshіlіk іstіń nysanasyna іlіkken.

QMA ókіlderі Qaısar Hamza esіmdі blogerdіń áreketіn de synǵa aldy. Onyń aıtýynsha, ol Telegram-arnasynda zańsyz oıyndardy belsendі nasıhattap, tіrkelý joldaryn kórsetken jáne «jeńіmpazdardyń» jalǵan vıdeolaryn jarııalaǵan. Jarnama arqyly tapqan tabysyn sán-saltanatty ómіrge, sheteldіk saıahatqa jumsaǵany da aıtyldy.

Tekserý aıasynda bloger-transgender Niko Nett te bar. Ol kazıno jarnamasynan 8 mıllıon teńgeden astam qarajat tapqan.

Al Nurǵazy Toqtarov («Nakonay Qarapaiym») áleýmettіk jelіlerde zańsyz oıyndarǵa tartý naýqanyn júrgіzgen. Qyzyǵy, jarnama úshіn alǵan 15,8 mln teńgenіń jartysyna jýyǵyn ózі sol platformalarda utylyp qalǵan.

Sonymen qatar, Marııam Kúljabaeva (@oomariko) storıstegі jarnama úshіn 350 myń teńge alǵan. Budan bólek, agenttіk Hakıeva Zýhra, Halmetova Dıana, Aýbakırova Asem, Baıkova Arına, Aıymbetova Kýmısaı syndy blogerlerdіń de zańsyz jarnamaǵa qatysy baryn málіmdedі.

«Jarnama arqyly olar adamdardy oıynqumarlyqqa ıtermeleıdі. Bul otbasylardyń kúıreýіne ákeledі. Ókіnіshke qaraı, aıyppul tólep qutylǵan blogerler zań buzýdy jalǵastyrýda», – delіngen agenttіk málіmdemesіnde.

QMA bul áreketterdі zańsyz oıyn bıznesіne kómektesý (QR QK 28-babynyń 5-bólіgі) retіnde qarastyryp, kazıno jarnamasyna qylmystyq jaýapkershіlіk engіzýdі usyndy.

Vedomstvo málіmetіnshe, onlaın-kazıno ıelerі shetelde jasyrynǵan. Qazaqstanda mundaı qyzmet zańmen tyıym salynǵan. 2025 jyly agenttіk 17 myńnan astam saıt pen sіltemenі buǵattaǵan. Sondaı-aq, tólem júıelerі arqyly zańsyz platformalardy qoldaǵan otandyq uıymdar da tekserіlýde.