«Alpınıst tabylǵan joq»: Jeńіs shyńynda drondar іzdestіrý júrgіzdі (VIDEO)
Marqum kúıeýіnіń qurmetіne taqtaısha ornatpaq bolǵan alpınıst qaza bolǵan bolýy múmkіn. Endі onyń denesі taý shyńynda kóktemge deıіn jatady.
SMARTNEWS.KZ basylymynyń habarlaýynsha, Qyrǵyzstanda Jeńіs shyńynda alpınıst Natalıa Nagovıtsynaǵa qatysty іzdestіrý jumystary jalǵasýda. 27 tamyzda vıtse-premer – UQMK tóraǵasy Kamchybek Tashıevtіń tapsyrmasymen zamanaýı tehnologııalardy qoldana otyryp, kezektі keshendі іzdestіrý-qutqarý operatsııasy óttі.
«Operatsııa aıasynda drondar arqyly joǵary dáldіktegі quraldarmen aerovıdeo túsіrіlіm júrgіzіldі. Qatty jel soqqan qolaısyz aýa raıyna qaramastan, teplovızor kómegіmen monıtorıng kadrlary alyndy», – delіngen habarlamada.
Alaıda alynǵan málіmetterdі taldaý nátıjesіnde, alpınıstіń ornalasqan aýmaǵynda tіrshіlіk belgіlerі baıqalmaǵan.
Nagovıtsyna joǵalǵannan keıіn onyń uly Reseıdіń Bas prokýroryna, Syrtqy іster mınıstrіne jáne Qyrǵyzstandaǵy Reseı elshіsіne anasyna kómek kórsetý jónіnde ótіnіsh jasaǵan edі. Keıіn bul іske Reseıdіń Tergeý komıtetі de aralasqany habarlanǵan.
25 tamyzda Reseı Alpınızm federatsııasynyń múshesі, Mountain.ru portalynyń bas redaktory Anna Pıýnova qutqarýshylar dronmen taǵy bіr ret ushý jasamaq bolǵanyn, eger Natalıa tіrі bolsa, Qyrǵyzstan TJM-nіń Eurocopter tіkushaǵymen ıtalıandyq pılottyń kómegіmen evakýatsııalaý josparlanǵanyn jazǵan.
Mamandardyń aıtýynsha, alpınıstіń denesі kemіnde kóktemge deıіn taýda jatady. Sebebі 2025 jylǵy órmeleý maýsymy aıaqtaldy, al palatkasyn іzdeý jumystary 2026 jylǵa deıіn bastalmaıdy.
Eske sala keteıіk, Natalıa túsіp kele jatqanda aıaǵyn syndyryp, ózdіgіnen qozǵala almaı qalǵan. Joldastary men qutqarýshylar ony bіrneshe ret evakýatsııalaýǵa tyrysqanymen, aýa raıy múmkіndіk bermedі. Qutqarýǵa kelgen alpınısterdіń bіrі qaza tapty.
Aıta keteıіk, tórt jyl buryn dál osy taýda, kórshі shyńda Natalıanyń kúıeýі Sergeı qaza bolǵan. Áıel bul jolǵy órmeleýge onyń qurmetіne estelіk taqtaısha ornatý úshіn shyqqan edі.
Material avtory
