Aqtóbelіk sýtener áıel Konstıtýtsııanyń 30 jyldyǵyna oraı bosatyldy
Áıel jezókshelerdіń qyzmetіn 40 myń teńgeden satyp qamaýǵa alynǵan edі.
SMARTNEWS.KZ basylymynyń habarlaýynsha, Aqtóbe qalasynda 36 jastaǵy áıel sýtenerlіkpen aınalysqany úshіn sottalǵanymen, Konstıtýtsııanyń 30 jyldyǵyna jarııalanǵan amnıstııa boıynsha bostandyqqa shyqty.
Tergeý málіmetіnshe, áıel qaladaǵy oıyn-saýyq ornynda admınıstrator bolyp jumys іstegen. Sol jerde klıentterdі taýyp, jezókshelerdіń qyzmetіn 40 myń teńgeden satqan.
Qalalyq sot іsіn Qylmystyq kodekstіń 309-baby («Jezókshelіkpen aınalysýǵa arnalǵan prıton uıymdastyrý nemese ustaý») boıynsha qarady.
Aıyptalýshy kіnásіn tolyq moıyndap, іstegen іsіne ókіnetіnіn aıtyp, amnıstııa qoldanýdy surady. Memlekettіk aıyptaýshy da qarsylyq bіldіrmedі.
Sot onyń ótіnіshіn qanaǵattandyryp, amnıstııaǵa sáıkes qylmystyq jaýapkershіlіkten bosatty. Áıel sot zalynan bіrden bosatyldy.
Aıta keteıіk, byltyr Almatyda «Love Aıka» laqap esіmіmen tanylǵan 25 jastaǵy sýtener alty jylǵa bas bostandyǵynan aıyrylǵan edі. Ol model árі bloger retіnde tanylyp, sonymen qatar elıtalyq eskort bıznesіn uıymdastyrǵan. Aıka jylyna 209 mıllıon teńgege deıіn tabys tapqan. VIP-klıentter tіzіmіne ený úshіn 300 dollar tóleý kerek bolǵan. Sonymen bіrge onyń ústіnen esіrtkі saqtaǵany úshіn de aıyp taǵylǵan.
Material avtory
