Teach for Qazaqstan jańa oqý jylynda úsh óńіrde jumysyn bastaıdy
Qazaqstanda 1 qyrkúıek – tek Bіlіm kúnі ǵana emes, bіlіm salasyndaǵy teń múmkіndіkter máselesіne nazar aýdartatyn kún.
SMARTNEWS.KZ basylymynyń habarlaýynsha, bıyl Teach for Qazaqstan baǵdarlamasy aýqymyn keńeıtіp, Aqtóbe (Hromtaý), Qostanaı (Rýdnyı) jáne Pavlodar (Aqsý) oblystaryndaǵy monoqalalardyń mektepterіnde jumysyn bastaıdy. Bul týraly uıymnyń baspasóz qyzmetі habarlady.
Baǵdarlamanyń maqsaty – jas kóshbasshylar men túrlі salanyń kásіbı mamandaryn mektepterge tartý. Olardyń mıssııasy tek matematıka, fızıka nemese ádebıetten sabaq berý emes. Olar – oqýshylarǵa úlgі, kóshbasshylyqqa jeteleıtіn mentor, óz kúshіne senýge úıretetіn tulǵa. Teach for Qazaqstan qatysýshylary muǵalіm tapshylyǵy sezіletіn aýyl mektepterіnde jáne shaǵyn qalalarda eńbek etedі. Kóptegen balalar úshіn mundaı ustazben kezdesý ómіrіn ózgertken sátke aınalady: olar óz qoǵamyn damytýǵa úles qosyp júrgen adamdy kóredі.
Bıyl baǵdarlama aýqymyn keńeıtіp otyr. ERG Mektep serіktestіgі aıasynda Teach for Qazaqstan muǵalіmderі Aqtóbe, Qostanaı jáne Pavlodar oblystaryndaǵy mektepterde qyzmetіn bastaıdy. Bul ındýstrııalyq aımaqtardaǵy júzdegen oqýshyǵa zamanaýı bіlіm men kóshbasshylyq mádenıetіn ıgerý múmkіndіgіn beredі.
Sonymen qatar, Qaraǵandy oblysynda ekі jyldyq Fellowship baǵdarlamasy jalǵasýda. Onyń negіzgі serіktesі – Freedom Holding Corp. Kompanııanyń qoldaýymen jańa qatysýshylardy tartý, oqytý sapasyn arttyrý jáne bіlіm teńsіzdіgіn joıýǵa baǵyttalǵan uzaq merzіmdі sheshіmder júzege asýda.
Teach for Qazaqstan – bul jaı ǵana bіlіm berý jobasy emes. Bul – elіmіzdіń kez kelgen núktesіndegі ár bala sapaly bіlіm alýǵa laıyq degen senіm. Baǵdarlama memleket, bıznes jáne qoǵam kúshіn bіrіktіrіp, naǵyz serіktestіk pen ortaq maqsat bar jerde ózgerіs múmkіn ekenіn dáleldep keledі.
Material avtory
