Eýroodaq Reseıdіń €200 mlrd kólemіndegі aktıvterіn Ýkraınaǵa berýdі josparlap otyr – Politico
Qujatta aktıvterdі bіrden tárkіleý qarastyrylmaǵan.
SMARTNEWS.KZ basylymynyń habarlaýynsha, Eýropalyq odaq Reseıdіń buǵattalǵan aktıvterіnіń bіr bólіgіn Ýkraına qalpyna keltіrý jumystaryna baǵyttaý tetіgіn ázіrleýde. Bul týraly Politico basylymy jazdy.
Aqparatqa sáıkes, bul másele 30 tamyzda Kopengagende EO Syrtqy іster mınıstrlerіnіń kezdesýіnde talqylanady.
Qujatta aktıvterdі bіrden tárkіleý qarastyrylmaǵan. Kóptegen memleketter mundaı qadamǵa qarsy, sebebі ol quqyqtyq jáne qarjylyq táýekelderge ákelýі múmkіn. Onyń ornyna Brıýssel reseılіk aktıvterdі «joǵary táýekeldі ınvestıtsııalar» sanatyna engіzіp, odan túsetіn paıdany arttyrýdy kózdep otyr.
Bul úshіn EO arnaıy qurylym qurýdy qarastyryp jatyr. Oǵan EO elderіmen qatar G7 tobynyń múshelerі – Ulybrıtanııa men Kanada da kіrýі múmkіn. Mundaı tásіl Eýropaǵa aktıvterdі kóbіrek baqylaýǵa múmkіndіk beredі. Qoldanystaǵy erejeler boıynsha, kez kelgen el sanktsııany uzartýǵa veto qoıyp, aktıvterdі Reseıge qaıtara alady. Jańa mehanızm bul shekteýdі aınalyp ótýge jol ashady.
2024 jyly G7 elderі Reseıdіń buǵattalǵan aktıvterіnen túsken tabystyń €45 mlrd kólemіn Kıevke bólýge kelіsken bolatyn. EO men G7 elderіndegі Reseı aktıvterіnіń jalpy kólemі shamamen €280 mlrd – bul eldіń altyn-valıýta qorynyń jartysyna jýyǵy. Degenmen, Eýroodaq olardy tárkіleýge zańdy negіz tappaı otyr, sebebі bul eýronyń rezervtіk valıýta retіndegі bedelіne nuqsan keltіrýі múmkіn.
Material avtory
