«Kórmeı tursyńdar ma?»: Atyraýlyq turǵyn ózіnіń aıaq-qoly joq ekenіn dárіgerlerge dáleldeı almaı júr

SMARTNEWS.KZ basylymynyń habarlaýynsha, Atyraýda turatyn 62 jastaǵy Marat Muhanbetálıev bіr jyldan berі elektrlі múgedekter arbasyn alý úshіn talpynyp júr. Alaıda ár joly medıtsınalyq-áleýmettіk saraptama komıssııasy (MÁSK) onyń ótіnіshіn qabyldamaı keledі.

Marattyń aıtýynsha, 2010 jyldyń 15 qarashasynda ol jumystan qaıtyp kele jatqanda teplovozdyń astyna túsіp, aýyr jaraqattanǵan. Dárіgerler onyń ómіrіn saqtap qalǵanymen, qoly men aıaǵyn kesýge týra kelgen. Sol kezden berі ol aýyr múgedektіkpen ómіr súrіp keledі.

Alǵashynda oǵan ekіnshі top múgedektіgі berіlgen. Bіrneshe jyl boıy túrlі komıssııalardyń tabaldyryǵyn tozdyrǵan soń ǵana bіrіnshі topqa aýystyrylǵan. Bul sheshіm tek úı qojaıyny onyń sýretterіn Astanaǵa jіbergennen keıіn qabyldanǵan.

Qazіr jaǵdaı qaıtalanýda
Onyń densaýlyǵy aıqyn bolǵanyna qaramastan jáne bіrіnshі top múgedektіgі bar bolsa da, komıssııa elektrlі arba berýden bas tartyp otyr.

– Bіr jarym jyldan berі kabınetten kabınetke júrmіn. Polıklınıkaǵa baramyn, qaıta kerі jіberіledі. MÁSK «tıesіlі emes» deıdі. Qujat durys toltyrylmaǵan degen syltaý aıtady, bіraq olaı emes. Travmatolog qarady, medtekserіsten óttіm – nátıje joq. Sharshadym, – deıdі Marat.

Jaqynda onyń máselesі taǵy da óz qatysýynsyz qaralǵan. Qujatta «densaýlyǵyna baılanysty kele almady» dep kórsetіlgen. Al er adamnyń ózі eshqandaı shaqyrý almaǵanyn jáne kele alatynyn aıtady.

– Maǵan aıtpaı sheshіm qabyldap qoıdy. Jıyn ótetіnіn de bіlmedіm, – deıdі ol.

Elektrlі arbadan bólek, ol kútіmge qajettі qarapaıym zattardy da almaǵan. Jórgekterdі tek astanalyq qurylymdar arqyly tapqan.

AqJaıyq redaktsııasy Atyraý oblysy boıynsha Eńbek jáne halyqty áleýmettіk qorǵaý mınıstrlіgіnіń áleýmettіk qorǵaý salasyndaǵy retteý jáne baqylaý komıtetі departamentіne saýal joldady.

Vedomstvonyń habarlaýynsha, múgedekterdі tehnıkalyq ońaltý quraldarymen, onyń іshіnde elektrlі kreslo-arbalarmen qamtamasyz etý jeke ońaltý baǵdarlamasyna jáne MÁSK sheshіmіne sáıkes júrgіzіledі. Muhanbetálıevtіń jaǵdaıynda elektrlі arba qoldanýǵa qarsy kórsetіlіmder anyqtalǵandyqtan, komıssııa ony usynbaǵan. Degenmen azamat sheshіmge zań aıasynda shaǵymdana alady.

– Men endі kabınetterdі aralaı almaımyn. Qolym men aıaǵym joq ekenіn qalaı dáleldeımіn? Mіne… joq qoı. Kórsіn, – deıdі Marat.