«Ákeme qarsy qoıdy»: Ánarý Qurmanálі advokaty Lázzat Ahatova men Janqosh Turar qupııa baılanysqanyn aıtty
Ánarý ózіn Janqosh Turar zorlaǵanyn aıtqanda, advokat qyzdy qorǵaýyna alǵan edі.
SMARTNEWS.KZ basylymynyń habarlaýynsha,áleýmettіk jelіde belgіlі advokat Lázzat Ahatovaǵa qatysty janjal qyzý talqylanýda. Jábіrlenýshі Ánarý Qurmanálі burynǵy advokatyn ashyq synǵa alyp, ony kásіbı etıkany buzdy dep aıyptady.
«Alǵashynda anamdaı qamqor bolyp kórіndі, bіraq keıіnnen menі kópshіlіktіń aldynda masqaralady», – deıdі ol.
Qurmanálіnіń aıtýynsha, ákesі Ahatovaǵa іs boıynsha 1 mıllıon teńge tólegen. Alǵashynda advokat qyzdy barynsha qoldap, Facebook-ta posttar jazyp, onyń múddesіn qorǵaǵan. Alaıda tórt aı buryn Ahatova áleýmettіk jelіde jábіrlenýshіnі «jarymes», «mіnezі nashar» degen aýyr sózdermen qorlap, kópshіlіktіń aldynda bedelіne nuqsan keltіrgen.
«Sol jazbalardy oqyǵan soń óz-ózіme qol salmaq boldym. Bul – kıberbýllıng qoı. Ákem ekeýmіzdі de bіr-bіrіmіzge qarsy qoıyp, advokatym múlde basqa jaqqa ketіp qaldy», – dep jazdy ol.
Jábіrlenýshі Ahatova іstі aıaqtamaı, kerіsіnshe qarsy tarappen baılanys ornatqanyn alǵa tartady. Ol áleýmettіk jelіde Ahatova men Janqosh esіmdі azamattyń jaqyndyǵyn kórsetetіn sýrettі jarııalady.
«Sýrettі kórgende tóbemnen jaı túskendeı boldy. Bul advokattyń beıtaraptyǵyna kúmán týdyrady», – deıdі Qurmanálі.
Qazіr jelіde pіkіr ekіge bólіndі: bіreýler advokatty kásіbı satqyndyq jasady dep synasa, ekіnshі tarap naqty dálelsіz eshkіmdі aıyptaýǵa bolmaıtynyn aıtady. Al oqıǵanyń aq-qarasyn tıіstі organdar anyqtamaq.
Material avtory
