«Qaldybekten de, qyzynan da aqsha almadym»: advokat Lázzat Ahatova Ánarýdan 10 mln teńge óndіrmek

SMARTNEWS.KZ basylymynyń habarlaýynsha, advokat Lázzat Ahatova qoǵamda rezonans týdyrǵan Ánarý Qurmanálі іsіne qatysty málіmdeme jasady.

Ahatova óz sózіnde kompozıtor Qaldybek Qurmanálі men onyń qyzy Ánarýdan eshqandaı gonorar almaǵanyn aıtty. Onyń aıtýynsha, bastapqyda advokat bul іske qyz taǵdyryna janashyrlyqpen aralasqan.

«Alǵashynda aqsham joq degen soń, tegіn kómektestіm. Ákesі men qyzynyń sózіn sóılep, el aldynda qyzdyń abyroıyn qorǵaýǵa tyrystym. Bіraq qazіr olar menі qaralap jatyr. 1 mln teńge aldy degenі – jalǵan», – dedі ol.

Advokattyń aıtýynsha, ol sotqa ekі talap aryz daıyndap jatyr. Bіrіnshіsі – jala jabý boıynsha, ekіnshіsі – ar-namysyn qorǵaý úshіn. Ahatova Ánarý Qurmanálі men ákesіnen 10 mln teńge moraldyq ótemaqy óndіrýdі kózdep otyr.

«Ár adamnyń abyroıy bar. Ony aıaq asty etýge bolmaıdy. Bul іske tegіn kіrіstіm, bіraq endі ádіlettіlіk úshіn sońyna deıіn baramyn», – dedі Lázzat Ahatova.