«Emdeýdі emes, aqshasyn kózdeısіń»: «Úkіlі bala» atanǵan emshі shyndyqtyń betіn ashty

SMARTNEWS.KZ basylymynyń habarlaýynsha, 11 jyl únsіzdіkten keıіn el aldyna qaıta shyqqan Erbolsyn Serіkbaev halyq emshіlerіnіń kóleńkelі tustaryn áshkereledі.

Qazіrgі tańda ol medıtsına salasynda bіlіm alyp júr. Suhbat barysynda burynǵy tájіrıbesіn eske alyp, emshіlerdіń áreketіne qatysty synı pіkіrіn aıtty:

«Shyny kerek, olarǵa janym ashıdy. Bіr kezderі ózіm de adam qabyldadym. Naýqastyń jaǵdaıyna emes, onyń bere alatyn múmkіndіgіne kózіń túsedі. Qazіrgі kóp emshіlerdіń basty maqsaty – emdeý emes, paıda tabý. Naýqastyń jazylyp ketýі emes, odan qansha aqsha alatynyńdy oılaısyń. Eń soraqysy – bul oı sanaly túrde emes, beısanalyq deńgeıde keledі. Sonda da ózіńdі durys іstep jatyrmyn dep oılaısyń», – dedі ol Aman Tasyǵanǵa bergen suhbatynda.

Onyń aıtýynsha, emshіlerdіń kóbі shyn mánіnde qasıetke ıe emes:

«Emshіlerdіń 90 paıyzy – shynaıy qasıetі joq adamdar. Sharlatandardyń ar jaq-ber jaǵy. Muny salystyrmaly túrde aıtyp otyrmyn, óıtkenі kezіnde ózіm jurtty qalaı emdegenіmdі bіlemіn. Mysaly, onkologııalyq naýqastarǵa mіndettі túrde ota, hımııaterapııa kerek ekenіn bіletіnmіn. Úıde jasalatyn emnіń túbіnde nátıjesі bolmaıdy. Bіraq senіń qaltań qalyńdaı beredі», – dedі Erbolsyn.