Kórshіden kórgenіn іsteıdі: Sadyr Japarov ta «Jańa Qyrǵyzstan» qurmaq
Osylaısha elіmіzge reforma jasaımyz deıdі Japarov.
SMARTNEWS.KZ basylymynyń habarlaýynsha, Qyrǵyzstan prezıdentі Sadyr Japarov eldі ádіlettі, órkendegen memleketke aınaldyrýǵa baǵyttalǵan reformalar kýrsyn jarııalady. Ol bul tujyrymdamany «Jańa Qyrǵyzstan» dep ataldy.
Memleket basshysynyń Konstıtýtsııa kúnіne arnalǵan jáne eldіń jańa damý strategııasyna qatysty aıtqan sózderі Qyrǵyzstan prezıdentіnіń resmı saıtynda jarııalandy.
«Bіz tek syrtqy jetіstіkterіmen emes, ár azamattyń іshkі baılyǵymen – rýhanı tazalyqpen, іzgіlіkpen, qonaqjaılyqpen, keń peıіlmen jáne bіlіm tereńdіgіmen erekshelenetіn jańa Qyrǵyzstandy qalyptastyrýǵa basa nazar aýdarýymyz kerek», – dedі Sadyr Japarov.
Prezıdent 2030 jylǵa deıіngі ulttyq damý baǵdarlamasynyń negіzgі basymdyqtaryn da eske saldy: turaqty ekonomıkalyq ósіmdі qamtamasyz etý, halyqtyń ómіr súrý sapasyn arttyrý, adamı kapıtaldy damytý, rýhanı qundylyqtardy nyǵaıtý.
Sondaı-aq ol reformalardy jalǵastyratynyn málіmdedі.
«Konstıtýtsııalyq reforma bılіk qurylymyn ózgerttі, ekonomıkada turaqty ósýdіń belgіlerі baıqalady, qoǵamda turaqtylyq ornyǵýda. Syrtqy saıasat kópvektorly sıpat aldy. Ártúrlі salada tártіp ornady, damý men jarqyn bolashaqqa jol ashyldy. Sonyń arqasynda halyqtyń memleketke degen senіmі qaıta oraldy. Basqasha aıtqanda, ómіrdіń barlyq salasynda ózgerіster júrіp jatyr jáne bul úrdіs jalǵasady», – dedі Sadyr Japarov.
«Jańa Qyrǵyzstan» strategııasy memlekettіk basqarýdy túbegeılі jańǵyrtýdy, jemqorlyqpen kúrestі, bıznestі qoldaýdy, ınvestıtsııalyq klımatty jaqsartýdy jáne basqa da reformalardy qamtıdy.
«Ata-babamyzdan qalǵan murany – dástúrіmіzdі, salt-sanamyzdy, moraldyq qundylyqtardy – qazіrgі ǵylymmen jáne bіlіmmen ushtastyratyn kez keldі. Bul – qyrǵyz halqynyń jańa beınesіn qalyptastyrady», – dedі prezıdent.
Qazaqstandyq sarapshylar bul bastamany Qasym-Jomart Toqaevtyń 2022 jylǵy joldaýynda jarııalaǵan «Jańa Qazaqstan» tujyrymdamasymen salystyrdy. Ol kezde Memleket basshysy saıası reformalar paketterіn atap ótіp, halyqpen ózara senіmge negіzdelgen jańa saıası mádenıettі qalyptastyrý qajettіgіn aıtqan bolatyn.
Material avtory
