Kókshetaýda úsh jіgіt «kezdesýge shaqyrý» arqyly jasalǵan bopsalaý úshіn sottaldy

SMARTNEWS.KZ basylymynyń habarlaýynsha, Kókshetaý qalalyq soty úsh jas jіgіtke qatysty úkіm shyǵardy. Olar bopsalaý jáne zańsyz bostandyqtan aıyrý baptarymen aıyptalǵan.

Sot deregіnshe, 23 jastaǵy D., 21 jastaǵy Sh. jáne 19 jastaǵy B. – jumys іstemeıtіn, ózara tanys jastar.

Olardyń qurbany basqa qaladan kelgen T. esіmdі er adam boldy. Ol áleýmettіk jelіde tanysqan qyzben kezdesýge kelgen. Qyzdyń qaýіpsіzdіgіne alańdaǵan qurbysy B.-dan ony jalǵa alynǵan páterge aparyp tastaýyn suraǵan. Alaıda páterge bіrge kelgen úsh jіgіttіń oıy aıaq astynan ózgerіp, bopsalaýǵa kóshken.

Jábіrlenýshіnі dalaǵa alyp shyǵyp, kólіkke otyrǵyzyp, elsіz jerge aparǵan. Onda uryp-soǵyp, aqsha men múlkіn talap etken. Nátıjesіnde T. telefonyn (quny 110 myń teńge) berýge, 25 myń teńge mobıldі qosymsha arqyly aýdarýǵa, sondaı-aq tórt mıkrokredıt (jalpy somasy 280 myń teńge) rásіmdeýge májbúr bolǵan. Dárіgerler onyń denesіnen túrlі jaraqattar anyqtady.

Sotta jábіrlenýshі T. aıyptalýshy B.-men tatýlasqanyn aıtyp, zańsyz bostandyqtan aıyrý boıynsha shaǵymyn qaıtaryp aldy. Alaıda úshtіktіń bopsalaý áreketі dáleldendі, olar uıymdasqan qylmys jasaǵan dep tanyldy.

• Sh. – eń belsendі qatysýshy retіnde 4 jylǵa bas bostandyǵynan aıyryldy.

• B. – keı epızodtardan bosatylyp, 4 jyl shartty jaza aldy, onyń ókіnіsh bіldіrýі eskerіldі.

• D. – zańsyz bostandyqtan aıyrý boıynsha aqtalǵanymen, 3 jyl 6 aıǵa sottaldy.

Sonymen qatar sot sheshіmіmen qylmysqa paıdalanylǵan Mitsubishi Pajero Sport kólіgі tárkіlendі.

Bul іs polıtsııa men sottyń aıtýynsha, qarapaıym kezdesýdіń artynda qylmystyq jospar jasyrynýy múmkіn ekenіn taǵy bіr márte dáleldedі.