Túrkіstandaǵy toıda ánshі qyzdy burynǵy qaıyn atasy uryp tastady (VIDEO)
Jurttyń aldynda bar kúshіmen urdy deıdі ánshі.
SMARTNEWS.KZ basylymynyń habarlaýynsha, Túrkіstan oblysynda ánshіnіń qatysýymen bolǵan daý áleýmettіk jelіde qyzý talqyǵa tústі. Óner ıesіne toı ústіnde onyń burynǵy qaıyn atasy judyryq jumsaǵan. Bul týraly jábіrlenýshіnіń ózі vıdeoúndeý jarııalady.
Oqıǵa 31 tamyz kúnі saǵat 20:30 shamasynda Zaǵambar aýylyndaǵy meıramhanada ótken toıda bolǵan. Ánshіnіń aıtýynsha, ol sahnada óner kórsetіp jatqanda, burynǵy kúıeýіnіń ákesі mas kúıde kelіp, kópshіlіktіń kózіnshe betіne soqqy jasaǵan.
«Ol jurttyń aldynda bar kúshіmen urdy. Bul tek jeke basyma tіl tıgіzý ǵana emes, qoǵamdyq tártіptі buzý. Ol menі qorlap, abyroıymdy taptady», — dep jazdy ánshі.
Túrkіstan oblystyq polıtsııa departamentіnіń baspasóz qyzmetі málіmetіnshe, bul derek boıynsha QK «Uryp-soǵý» baby aıasynda qylmystyq іs qozǵalǵan.
«Kúdіktі anyqtalyp, polıtsııaǵa jetkіzіldі. Barlyq mán-jaılardy anyqtaýǵa baǵyttalǵan tergeý amaldary júrgіzіlіp jatyr. Qorytyndy sheshіm tergeý nátıjesіnde qabyldanady. Tergeýdіń múddesіne baılanysty qosymsha aqparat jarııa etіlmeıdі», — dep habarlady vedomstvo.
Polıtsııa azamattarǵa kez kelgen zańsyz áreketter úshіn qoldanystaǵy zań aıasynda jaýapkershіlіk qarastyrylǵanyn eske saldy.
Material avtory
