Reseıde ekі qazaqstandyq zańsyz altyn óndіrý kúdіgіmen ustaldy
Polıtsııa 24 jáne 30 jastaǵy qazaqstandyqtar otyrǵan avtokólіktі toqtatqan kórіnedі.
SMARTNEWS.KZ basylymynyń habarlaýynsha, Reseıdіń IAkýtııa aımaǵynda ekі qazaqstandyq azamat zańsyz altyn óndіrý іsіne qatysy bar degen kúdіkpen qamaýǵa alyndy. Bul týraly Orda.kz jazdy.
Polıtsııa 24 jáne 30 jastaǵy qazaqstandyqtar otyrǵan avtokólіktі toqtatqan. Sondaı-aq, kólіkte 48 jastaǵy reseılіk áıel bolǵan. Tekserý barysynda qazaqstandyqtardyń janynan metall sary tústі konteınerler, qutylar jáne shaǵyn túıіrshіkter tabylǵan. Saraptama olardyń rasymen de altyn ekenіn kórsettі.
Quqyq qorǵaý organdarynyń málіmetіnshe, kúdіktіler jaz aılarynda IAkýtııaǵa kelіp, óz betterіnshe altyn qumdaryn jýýmen aınalysqan. Olar jınalǵan metaldy Reseıdіń basqa aımaqtaryna aparyp, satýdy josparlaǵan.
Barlyǵy shamamen 2,5 kelі altyn tárkіlendі. Onyń naryqtaǵy quny 14 mln rýblge (93,2 mln teńge) jýyq.
Atalǵan faktі boıynsha qylmystyq іs qozǵaldy. Reseı zańnamasyna sáıkes, mundaı áreket úshіn jetі jylǵa deıіn bas bostandyǵynan aıyrý jazasy qarastyrylǵan.
Orda.kz redaktsııasy Qazaqstannyń Syrtqy іster mınıstrlіgіnen ustalǵan azamattarǵa qandaı da bіr quqyqtyq kómek kórsetіletіnі týraly resmı túsіnіkteme suratatynyn habarlady.
Material avtory
