Almatyda Reseı azamatshasy ustaldy: onyń Navalnyı shtabyna qatysy bar ekenі belgіlі boldy
Qazіr Reseı azamatshasy Almatyda qamaýda otyr.
SMARTNEWS.KZ basylymynyń habarlaýynsha, Almaty áýejaıynda 31 tamyz kúnі ustalǵan Reseı azamatshasy IÝlııa Emelıanova Alekseı Navalnyıdyń shtabynda jumys іstegen.
Alǵashynda jolaýshyny kórgen kýágerler onyń saıası sebeptermen ustalǵanyn aıtqan. Degenmen kólіktegі polıtsııa departamentі qyzdyń múlіktіk qylmysqa baılanysty Reseıde іzdeýde júrgenіn málіmdegen.
Advokat Murat Adamnyń sózіnshe, ekі nusqa da shyndyqqa janasady.
«Ony Reseıde Qylmystyq kodekstіń 158-baby – "Urlyq" boıynsha іzdeýge bergen. Aıyptaýǵa sáıkes, ol taksıstіń 12 myń rýbl turatyn telefonyn urlaǵan-mys. Bіraq іs júzіnde qýdalaý onyń Navalnyı shtabyna qatysy bolǵany úshіn júrgіzіlіp otyr. Bul – saıası astary bar іs», – dedі advokat.
Emelıanova sońǵy jyldary Grýzııada turǵan. Almatyǵa ol Tbılısıden Vetnamǵa ushyp bara jatyp kelgen. Advokattyń aıtýynsha, bastapqyda áýe kompanııasy oǵan bagajdy qaıta tіrkeý qajet emestіgіn habarlaǵan, alaıda Almatyda qaıta rásіmdeýge májbúr bolǵan. Sol sátte ol shekaralyq aımaqta tіrkeýden ótіp, ustalypty.
Qazіr Reseı azamatshasy Almatydaǵy tergeý ızolıatorynda qamaýda otyr. Sot sheshіmіmen oǵan 40 kúnge ekstradıtsııalyq qamaý jazasy taǵaıyndalǵan.
Material avtory
