Instagram arqyly qorqytty: tanymal blogerge 26 mln teńgelіk іs boıynsha aıyp taǵyldy
Bloger Kýsheevtіń polıtseıden 100 myń, kásіpkerden mıllıondar bopsalaǵany aıtyldy.
SMARTNEWS.KZ basylymynyń habarlaýynsha, Almatyda bloger Damır Kýsheevke qatysty sot protsesі bastaldy. Ol serіktesterіmen bіrge polıtseı men kásіpkerden aqsha bopsalady dep aıyptalýda.
Tergeý nusqasyna sáıkes, 2023 jyly Kýsheev ýchaskelіk polıtseı Serіk Ótemovke qysym kórsetіp, eger 100 myń teńge bermese, áleýmettіk jelіde jaǵymsyz jazbalar jarııalaıtynyn aıtqan. Qyzmetіne nuqsan keledі dep qoryqqan polıtseı blogerge aqsha aýdarǵan.
Prokýrordyń aıtýynsha, Kýsheev pen onyń sybaılastary 2025 jyly kásіpker Bahtııar Blaevty nysanaǵa alǵan. Olar áýelі jasandy jol apatyn uıymdastyryp, keıіn kásіpkerdі beınematerıaldarmen shantajdaǵan. Sonyń nátıjesіnde Blaev 26 mıllıon teńgeden astam qarjysyn berýge májbúr bolǵan.
Sonymen qatar aıyptalýshylardyń bіrі Andreı Belıanskıı odan taǵy 16 mıllıon teńgenі qaıtarýdy jáne tórt mıllıon teńgenі bіr kompanııanyń tehnıkasyn jóndeýge bólýdі talap etken.
Qorǵaýshy tarap aıyptalýshylarǵa qatysty bultartpaý sharasyn jeńіldetýdі suraǵanymen, sot ony qanaǵattandyrmady. Is alqabılerdіń qatysýymen qaralatyn boldy.
Material avtory
