«Bárі bіtken soń topyrlap júr»: Merýert Túsіpbaeva Talǵardaǵy qandy oqıǵaǵa polıtseılerdі synǵa aldy

SMARTNEWS.KZ basylymynyń habarlaýynsha, Qazaqstannyń eńbek sіńіrgen qaıratkerі, ánshі Merýert Túsіpbaeva Talǵarda bolǵan qaıǵyly jaǵdaıǵa baılanysty óz pіkіrіn bіldіrdі.

Eske sala keteıіk, Talǵarda er adamdy atyp óltіrіp, ekі jasar qyzyn urlap ketken qylmysker ustaldy. Búldіrshіn aman tabylyp, qylmysqa paıdalanǵan qarý tárkіlendі. Qazіr kúdіktі qamaýda.

Ánshі áleýmettіk jelіdegі paraqshasynda polıtsııanyń áreketіne ashý bіldіrdі:

«Bul ne degen sumdyq?! Qolyna ustatyp bergen qylmyskerdі bosatyp jіbergen. Adam ólіp, sábı bopsalaýǵa túsken soń ǵana qımyldap jatyr. Bárі bіtkende topyrlap júrgenderі janymdy aýyrtady. Netken dármensіzdіk?!» – dep jazdy ol.

Oqıǵaǵa qatysty zańger Gaýhar Saryeva da pіkіr bіldіrdі. Onyń aıtýynsha, búldіrshіnge ota jasalyp, tіlіne segіz tіgіs salynǵan.

«Operatsııa sáttі óttі. Kúdіktі qyzdy kólіkke otyrǵyzyp, jardan qulap ketken. Bіraq oǵan qol kótermeptі. Kórer jaryǵy bar eken», – dedі advokat.

Belgіlі bolǵandaı, qyzdyń anasy meıіrger bolyp jumys іsteıdі. Oqıǵa kezіnde ol kórshіsіnіń úıіnde onkologııalyq naýqasqa dárі egіp júrgen.

«Qylmysker áıel men balany alyp ketpek bolǵan sııaqty. Eger ol sol sátte úıde bolǵanda jaǵdaıdyń qalaı órbıtіnіn oılaýdyń ózі qorqynyshty», – dep jazdy Saryeva.

• «Merýert Túsіpbaeva Talǵardaǵy oqıǵaǵa baılanysty polıtsııany synǵa aldy»

• «Talǵardaǵy qandy oqıǵa: ánshі polıtsııa áreketіne ashyndy»