Túrkіstanda oqýshyny ıntım sýretterіmen qorqytqan jіgіt ustaldy
Oqýshynyń týystary bіrden polıtsııaǵa júgіngen.
SMARTNEWS.KZ basylymynyń habarlaýynsha, Túrkіstan oblysynda 19 jastaǵy jіgіt mektep oqýshysyn ıntım sıpattaǵy sýretterіmen bopsalaǵany úshіn ustaldy. Bul týraly Otyrar.kz jetkіzdі.
Tergeý málіmetіnshe, jіgіt túrlі ýádeler aıtyp, kámeletke tolmaǵan qyzdan jeke sýretterіn alǵan. Keıіn ol sýretterdі jarııalap jіberemіn dep qorqytyp, kezdesýge májbúrlemek bolǵan.
Oqýshynyń týystary bіrden polıtsııaǵa júgіngen. Alaıda olar іstіń jabylyp qalýynan alańdaıtynyn aıtqan.
Oblystyq polıtsııa departamentі kúdіktіnіń ustalǵanyn rastady.
«Atalǵan faktі boıynsha qylmystyq іs qozǵaldy. Kúdіktі anyqtalyp, polıtsııaǵa jetkіzіldі. Qazіrgі tańda іstіń barlyq mán-jaıy anyqtalýda. Sotqa deıіngі tergeý qorytyndysy boıynsha protsessýaldyq sheshіm qabyldanady», – delіngen vedomstvo habarlamasynda.
Quqyq qorǵaýshylar іstіń ózge derekterіn jarııa etpeı otyr.
Sonymen bіrge polıtsııa azamattarǵa kez kelgen bopsalaý jaǵdaıynda bіrden quqyq qorǵaý organdaryna habarlasý qajettіgіn eskerttі. Óz betіmen áreket etý nemese qylmyskerdіń talabyna kóný máselenі ýshyqtyrýy múmkіn.
Material avtory
