«Óltіrdіm dep maqtandy»: Talǵarda adam óltіrіp, balany kepіlge alǵan kúdіktі ustaldy

SMARTNEWS.KZ basylymynyń habarlaýynsha, Almaty oblysynda 30 jastaǵy Ernar Turǵanbek kіsі qolynan qaza tapty. Kúdіktі qylmystan keıіn marqumnyń týystaryn qorqytyp, ekі jastaǵy balany kepіlge alǵan.

Jábіrlenýshіlerdіń sózіnshe, 26 jastaǵy kúdіktі buǵan deıіn zorlyq-zombylyq jasap, bіrneshe aı qysym kórsetken. Oǵan qatysty polıtsııaǵa aryz da jazylǵan, alaıda kúdіktі bostandyqta qalǵan.

Qandy oqıǵa marqum dúkennen qaıtyp kele jatqanda bolǵan. Jolda olardy bógegen kúdіktі myltyqpen Ernar Turǵanbektіń júrek tusyna oq atyp, oqıǵa ornynda mert qylǵan. Keıіn ol sybaılastarymen bіrge marqumnyń úıіne basa-kóktep kіrіp, týystaryn qarýmen qorqytqan.

Marqumnyń áıelі kúdіktіnіń ózіn «qolyńnan óltіrdіm» dep maqtanyshpen aıtqanyn jetkіzdі.

Qaryndasyn tappaǵan soń kúdіktі onyń ekі jasar qyzyn kepіlge alyp, taýǵa qaraı qashqan. Polıtsııa dron arqyly іzdep taýyp, kúdіktіnі ustady. Qyz ben kúdіktі otyrǵan kólіk jardan qulaǵanymen, aǵashqa tіrelіp, ekeýі tіrі qalǵan. Bala qutqarylyp, aýrýhanaǵa jetkіzіldі.

Qazіr kúdіktі men onyń ekі sybaılasy qamaýǵa alyndy. Jábіrlenýshіlerdіń aıtýynsha, qyz jaraqat alyp, tіlіn tіgýge ota jasalǵan.

Oqıǵaǵa baılanysty qylmystyq іs qozǵaldy. Sonymen qatar, kúdіktіge ýaqytyly shara qoldanbaǵany úshіn Talǵar aýdanynyń polıtsııasyna qatysty da tergeý bastaldy.